Eskuz, finalerdien itzuliko jaialdiak jokatuko dituzte Oiartzunek eta Ataunek eta Azpeitiak eta Andoainek (Ataunek eta Azpeitiak irabazi zuten joanekoetan); gomaz, finalerako sailkapena izango dute jokoan Astigarragak eta Donostiak eta Hernanik eta Mutrik
Bukaerara iristen ari da 2023ko Gipuzkoako Herriarteko Txapelketa. Donostiak irabazi berri du palako lehia, asteburuan, Errenteriaren kontra. Eta jardunaldi honetan ezagutuko ditugu finalistak eskuzko eta gomazko paletako lehietan. Zesta-puntaz, ligaxkako azken jardunaldia jokatuko dute, eta dena dago erabakitzeko.
Eskuz, finalerdien itzulerako jaialdiak jokatuko dituzte Oiartzunek eta Ataunek alde batetik, eta Azpeitiak eta Andoainek bestetik. Ataunek (2-1) eta Azpeitiak (0-3) irabazi zituzten joaneko kanporaketak.
Gomazko paletako lehian ere, finalerako sailkapena izango dute jokoan Astigarrak eta Donostiak batetik, eta Hernanik eta Mutrikuk bestetik. Joaneko kanporaketetan, Donostia (2-1) eta Mutriku (3-0) nagusitu ziren.
Zesta-puntaz, ligaxkako 6. jardunaldia jokatuko dute Mutrikuk eta Zumaiak, eta atseden izango du Hondarribiak. Azken jardunaldi honetara iritsita, oraindik ez dago ezer erabakita.
Hauxe da, hain zuzen ere, jardunaldi honetako kartelera:
EKAINAK 15, OSTEGUNA
– 19:30, Hernani-Udalekoa: HERNANI / MUTRIKU (gomazko paleta, finalerdiak, itzulerakoa)
– 21:00, Astigarraga-Udalekoa: ASTIGARRAGA / DONOSTIA (gomazko paleta, finalerdiak, itzulerakoa)
EKAINAK 16, OSTIRALA
– 17:00, Mutriku-Miruaitz: MUTRIKU / ZUMAIA (zesta-punta, ligaxka, 6. jardunaldia)
– 21:00, Oiartzun-Madalensoro: OIARTZUN / ATAUN (eskua, finalerdiak, itzulerakoa)
EKAINAK 18, IGANDEA
– 17:00, Azpeitia-Izarraitz: AZPEITIA / ANDOAIN (eskua, finalerdiak, itzulerakoa)
Gauzak horrela, ekainaren 25eko jardunaldian izango dira eskuzko, gomazko paletako eta zesta-puntako finalak: ostiralean, Mutrikun, zesta-puntakoa; larunbatean, 16:30ean, Donostiako Atano III.ean, eskuzkoa; eta igandean, 11:00etan, Azkoitiko Gurean, gomazko paletakoa.
Aurtengo edizioan, 17 herri lehiatu dira eskuz, 7 larruzko paletaz eta pala motzez, 14 gomazko paletaz eta 3 zesta-puntaz. Denera, 41 herri eta 417 pilotari elkartu ditu txapelketak: 210 eskuz, 62 palaz, 104 gomazko paletaz eta 41 zesta-puntaz.
ESKUA
- Aduna
- Altzo
- Amezketa
- Andoain
- Ataun
- Azkoitia
- Azpeitia
- Bergara
- Hernani
- Idiazabal
- Larraul
- Oiartzun
- Oñati
- Tolosa
- Zaldibia
- Zestoa
- Zumarraga
LARRUZKO PALETA ETA PALA MOTZA
- Andoain
- Azpeitia
- Deba
- Donostia
- Errenteria
- Oiartzun
- Ordizia
GOMAZKO PALETA
- Andoain
- Anoeta
- Astigarraga
- Azkoitia
- Deba
- Donostia
- Hernani
- Mutriku
- Oiartzun
- Tolosa
- Zarautz
- Zestoa
- Zumaia
- Zumarraga
ZESTA-PUNTA
- Hondarribia
- Mutriku
- Zumaia
Rural Kutxa da 2023ko Gipuzkoako Herriarteko Txapelketaren babeslea.
Webgune honetako Lehiaketa-Federatua-Herriartekoa atalean eskuragarri dago txapelketaren inguruko informazio guztia.
