Azpeitiko, Bidania-Goiazko, Ordiziako, Orioko eta Zumaiako 24 bat palista elkartuko dira
Benjamin kategoriako palistak bigarren topaketan elkartuko dira, larunbat arratsaldean, Bidania-Goiatzen. Urri bukaeran izan zuten lehendabiziko hitzordua, Azpeitian, eta elkar ezagutzen jarraitzeko, trebatzeko eta ondo pasatzeko aukera izango dute berriro.
Azpeitiko (Ilunpe), Bidania-Goiazko, Ordiziako (Oiangu), Orioko (Ospele) eta Zumaiako 24 bat pilotarik eman du izena bigarren topaketa honetan.
16:00etan hasiko da saioa, eta bi taldetan banatuta jardungo dute: 16:00etatik 17:15era Azpeitiko eta Ordiziako (A) palisten txanda izango da, eta 17:15etik 18:30era Bidania-Goiazkoak, Ordiziakoak (B), Oriokoak eta Zumaiakoak ariko dira.
Federazioak eramango ditu pilotak, baina pilotari bakoitzak bere pala eraman beharko du.
Zuriz jantzita joan beharrik ez dago.
