Puntista alebinak eta infantilak lehiatuko dira; 17:00etan hasiko da jaialdia, Beotibarren
Urteko lehendabiziko finalak izango dira ikusgai, asteburuan: zesta-puntako Udazken Sarikoak, hain zuzen ere. Gipuzkoako puntista alebinek eta infantilek jokatuko dituzte, igandean, 17:00etatik aurrera, Tolosako Beotibar pilotalekuan. Hauxe aurreikusitako jaialdia:
Urtarrilak 8, igandea, 17:00, Tolosa-Beotibar
1. Zesta-punta, alebinak B:
GARMENDIA (Gazteleku) – AMEZTEGI,L. (Gazteleku)
LARRAÑAGA (Gazteleku) – VICENTE (Gazteleku)
2. Zesta-punta, alebinak A:
URREIZTI,U. (Danok Bat) – URREIZTI,M. (Danok Bat)
TXURRUKA,A. (Danok Bat) – LIZARRAGA (Beotibar)
3. Zesta-punta, infantilak:
AGIRREGOMEZKORTA,A. (Danok Bat) – BEREAU (Hondarribia)
ESTEVEZ (Hondarribia) – LOPETEGI (Gazteleku)
Beotibar, Danok Bat, Donostia Jai Alai, Gazteleku, Hondarribia eta Zumaia klubetako puntistek hartu dute parte aurtengo txapelketan.
Lehia berezia da zesta-puntako Udazken Saria. Adibidez, izena klubaren bidez eman bazuten ere, norbera ordezkatuz aritu dira pilotariak. Bikoteka jokatu dute, baina bikoteak aldatzen joan dira jardunaldiro. Bikoteak zozketaz erabaki dira guztietan. Eta puntuazioa pilotari bakoitzari egokitu zaio, ez bikoteari.
Klub desberdinetako pilotariak nahastu nahi ditu txapelketa honek, denek denen aurka eta elkarrekin jokatzeko aukera eman. Maila orekatzen laguntzen da, era berean, eta lehia bereziagoa sortzen.
Hain zuzen ere, webgune honetako Lehiaketa-Eskolartekoa-Udazkena Zesta-punta eta Lehiaketa-Errendimendua-Udazkena Zesta-punta-Infantilak ataletan daude ikusgai sailkapenak eta lehiaren informazio guztia.
*Argazkiak: Gazteleku eta Danok Bat klubak.
