Igandean jokatuko dituzte lehiak, 10:30ean hasita: Txost-ek Luzean taldearen aurka, Oiartzunen; eta Zubietak Noizbait taldearen kontra, Zubietan
Gipuzkoako bi ordezkariek lortu dute aurrera egitea 59. Enrique Abril Errebote Txapelketan, eta igande honetan jokatuko dituzte finalerdiak: Txost-ek (Oiartzun) Luzean (Donibane Lohizune, Lapurdi) taldearen kontra jokatu beharko du, eta Zubietak (Zubieta) Noizbait (Hazparne, Lapurdi) taldea mendean hartzen eta finalerako txartela lortzen saiatuko da.
Honela gelditu da, hain zuzen ere, ligaxkako sailkapena:
A MULTZOA
- Luzean (Donibane Lohizune, Lapurdi), 4 puntu
- Senpere (Senpere, Lapurdi), 3 puntu
- Zaharrer Segi (Baigorri, Nafarroa Beherea), 0 puntu
B MULTZOA
- Zubieta (Zubieta, Gipuzkoa), 4 puntu
- Kapito Harri (Uztaritze, Lapurdi), 3 puntu
- Endaiarrak (Hendaia, Lapurdi), 2 puntu
C MULTZOA
- Noizbait (Hazparne, Lapurdi), 4 puntu
- Txost (Oiartzun, Gipuzkoa), 3 puntu
- Kanboarrak (Kanbo, Lapurdi), puntu 1
Hauexek izango dira, beraz, finalerdiak:
Urriak 9, igandea, 10:30, Oiartzun-Beheko plaza
LUZEAN vs TXOST
Urriak 9, igandea, 10:30, Zubieta-plaza
ZUBIETA vs NOIZBAIT
Irabazleek urriaren 16ko jardunaldian jokatuko dute finala, Zubietan.
Lehiaketa-Federatua-Enrique Abril-Errebotea nagusiak atalean kontsulta daiteke txapelketaren inguruko informazioa.
