Nagusien mailako finaletan, Hernani 1 eta Altzatarra 2 hartu zituzten mendean, hurrenez hurren
Su-Berri 2 1. mailan (Arozena-Mendizabal) eta Orio 2. mailan (Indo-Beldarrain) dira Gipuzkoako txapeldun berriak emakumezkoen gomazko paletako nagusien mailan. Joan den igandean (2011-10-23) jokatu ziren finalak, Zarauzko Aritzbatalde pilotalekuan. Jaialdiko lehen norgehiagokan, Oriok 20-30 irabazi zion Altzatarra 2 taldeari. Eta bigarren partidan Su-Berri 2 izan zen garaile, Hernani 1 taldea 30-8 mendean hartuta. Ondoren zehazten dugu jaialdia:
*Urriak 23, igandea, 11:00, Zarautz-Aritzbatalde
1. Gomazko paleta neska nagusiak, 2. maila: Altzatarra 2 (Bañales-Lendinez) 20 / ORIO (Indo-Beldarrain) 30
2. Gomazko paleta neska nagusiak, 1. maila: SU-BERRI 2 (Arozena-Mendizabal) 30 / Hernani 1 (Manzisidor-Semper) 8
Txapelketak utzitako emaitza guztiak, sailkapenak eta gainontzeko informazioa nahi izanez gero, webgune honetako Lehiaketa eta Kartelera ataletara jo dezakezue. Argazki galeriak atalean, bestalde, finaletako argazkiak daude ikusgai.
