1., 2. eta 3. mailako finalak irabazi zituzten, hurrenez hurren, Txost, Gazteleku eta Oiangu taldeen aurka
Real Sociedad 3 (1. maila), Usurbil (2. maila) eta Euskal Jolas 1 (3. maila) dira Gipuzkoako txapeldun berriak larruzko paletan. Joan den ostiralean (2011-12-30) jokatu ziren, hain zuzen ere, Ezker Hormako Gipuzkoako Elkarteen Arteko Txapelketako larruzko paletako finalak, Oiartzungo Madalensoro frontoian. Eta aipatutako taldeek Txost, Gazteleku eta Oiangu hartu zituzten mendean, hurrenez hurren. Norgehiagoka hauekin bukatu da 2011-12ko Ezker Hormako Gipuzkoako Elkarteen Artekoa.
Hona hemen finalen jaialdia:
*Abenduak 30, ostirala, 19:15, Oiartzun-Madalensoro
1. Larruzko paleta, 3. maila: EUSKAL JOLAS 1 (Lopez-Etxeberria) 35 / OIANGU (Berasategi-Goiburu) 28
2. Larruzko paleta, 2. maila: USURBIL (Begiristain, M.-Begiristain, J.) 35 / GAZTELEKU (Echeverria-Rekalde) 22
3. Larruzko paleta, 1. maila: REAL SOCIEDAD 3 (Eskisabel-Etxeberria) 35 / TXOST (Ayerbe-Mena) 27
Txapelketak utzitako emaitza guztiak, sailkapenak eta gainontzeko informazioa duzue eskuragarri webgune honetako Lehiaketa eta Kartelera ataletan. Argazki galeriak atalean, bestalde, sari-banaketako hainbat irudi daude ikusgai.
