5 bikote lehiatuko dira gomazko paletako neska nagusien 1. mailan, eta 6 2. mailan; finalak abenduaren 16rako aurreikusten dira, Tolosako Beotibarren
Larunbatean (2017-10-28) hasiko da Ezker Hormako Emakumea Pilotari Txapelketa, Astigarragan.
Emakumezkoen gomazko paletako txapelketa honetan, bi mailatan ariko dira pilotariak: 1. mailan 5 bikote lehiatuko dira, eta 2. mailan 6 bikotek jokatuko dute.
Klub desberdinetako pilotariekin osatzen dira bikoteak Emakumea Pilotari Txapelketan, hala betiko bikoteak albo batera utziz eta lehia orekatuz. Hauexek dira, hain zuzen ere, bikote parte-hartzaileak:
1. MAILA
- Irazustabarrena-Murua
- Larrarte-Maiza
- Garmendia-Arrillaga
- Otaegi-Erasun
-
Galdos-Eizmendi
2. MAILA
- Tejedor-Mungia
- Olano-Irigoien
- Galarreta-Agirre
- Etxegia-Lopetegi
- Rodas-Beldarrain
-
Ontsalo-Lasarte
Bai 1. mailan bai 2.ean itzuli bateko ligaxka jokatuko dute bikoteek, urriaren 28tik azaroaren 25era bitartean. Partidak larunbat arratsaldetan izango dira. Eta jardunaldi bakoitza egoitza batean jokatuko da; hauexek dira aurreikusitakoak (*konfirmatzeko):
- 1. jardunaldia, urriak 28: Astigarraga
- 2. jardunaldia, azaroak 4: Alegia
- 3. jardunaldia, azaroak 11: Zizurkil*
- 4. jardunaldia, azaroak 18: Anoeta
- 5. jardunaldia, azaroak 25: Aia
Finalerdiak abenduaren 2an izango dira, Hernanin. Eta finalak, abenduaren 16an, printzipioz, Tolosako Beotibarren.
Webgune honetako Lehiaketa-Federatua-EmP Ezker Horma eta Kartelera ataletan egin daiteke txapelketaren jarraipena.
