Beste final bat izango da ikusgai, asteburuan, Ezker Hormako Kluben Arteko Gipuzkoako Txapelketan: kadete kategoriako larruzko paletako finala. Ilunpe (Azpeitia) klubeko bi bikotek neurtuko dituzte indarrak, Azpeitian bertan, larunbat goizean:
Martxoak 7, larunbata, 11:00, Azpeitia-Betharram
1. Larruzko paleta, kadeteak:
ILUNPE 2 (Urritz Goenaga Urbistondo-Telmo Martin Duran)
ILUNPE 1 (Telmo Garaizar Etxeberria-Mikel Gurrutxaga Albizu)
Lehiaketa-Emaitzak-Federatua-G-Larruzko paleta-G-LP-K atalean kontsulta daiteke txapelketaren informazio guztia.
Bestetik, Beotibar (Tolosa) klubeko Arregik eta Kuku-ko (Anoeta) Luisak irabazi dituzte aurreko larunbatean jokatutako gomazko paletako banakako lehendabiziko finalak, buruz buru zazpiaren barruan: nagusien 1. mailako txapela jantzi du Arregik, Oteizako (Azkoitia) Epelderi irabazita; eta nagusien 2. mailakoa Luisak, Intxurreko (Alegialdea) Altunaren kontra:
Otsailak 28, larunbata, 16:00, Tolosa-Beotibar
1. Gomazko paleta banaka 7aren barruan, nagusiak 2. maila:
INTXURRE-Gorka Altuna Esnaola 24
KUKU-Alain Luisa Urkola 25
2. Gomazko paleta banaka 7aren barruan, nagusiak 1. maila:
OTEIZA-Iker Epelde Agirre 22
BEOTIBAR-Odei Arregi Aizpitarte 25
Datozen jardunaldietan jarraipena izango du gomazko paletako buruz buruko lehiak, baina kasu honetan kantxa osoan ariko dira. 8 pilotari lehiatuko dira 1. mailan eta 29 2. mailan. Hilaren 8ko jardunaldian ekingo diote lehiari 2. mailakoek, eta hilaren 15ekoan 1. mailakoek. Finalak apirilaren 26ko asteburuan jokatuko dituzte.
Bestetik, zesta-puntako banakako lehia ere hasiko da datozen bi jardunaldietan: kadeteena eta nagusiena hilaren 8koan eta jubenilena eta emakumeena hilaren 15ekoan. 15 puntista lehiatuko dira kadeteen kategorian, 8 jubeniletan, 20 nagusietan eta 8 emakumeen txapelketan. Final guztiak maiatzaren 10eko asteburuan aurreikusten dira.
Lehiaketa-Emaitzak-Federatua atalean aurki daitezke lehia hauen guztien xehetasunak.
