Kadeteen, jubenilen eta nagusien lehiak izango dira ikusgai; 19:15ean hasiko da jaialdia, Aitzuri pilotalekuan
Binaka aritu eta gero, banaka lehiatu dira orain puntista gipuzkoarrak Ezker Hormako Kluben Arteko Gipuzkoako Txapelketan. Eta ostiral honetan (2017-06-09), hain zuzen ere, jokatuko dituzte finalak, Zumaiako Aitzuri pilotalekuan. 19:15ean hasiko da jaialdia:
Ekainak 9, ostirala, 19:15, Zumaia-Aitzuri
1. Zesta-punta banaka, kadeteak: ARRILLAGA (Danok Bat) / HERNANDEZ (Donostia Jai Alai)
2. Zesta-punta banaka, jubenilak: AGIRRE, E. (Zumaia) / MENDIZABAL, E. (Danok Bat)
3. Zesta-punta banaka, nagusiak: AGIRRE, C. (Zumaia) / ALBERRO, A. (Donostia Jai Alai)
Esteka honetan kontsulta daiteke txapelketaren inguruko informazio guztia: http://www.gipuzkoapilota.eus/pub/modalidadComp.asp?idioma=eu&idCompeticion=674
Azken txanpan sartu da 2017ko Gipuzkoako Herriarteko Txapelketa. Palako lehian, Andoainek jantzi zuen txapela aurreko asteburuan (2017-06-04), Debari irabazita. Eta eskukoan finalerdietarako txartelaren bila lehiatuko dira jardunaldi honetan Astigarraga, Oiartzun, Hernani, Zizurkil, Azpeitia, Azkoitia, Oñati eta Ataun; izan ere, final-laurdenen itzulikoak jokatuko dituzte. Zesta-puntan, azkenik, ligaxkako azken jardunaldia izango da, seigarrena, finalaren atarian.
Hona hemen asteburua osatuko duten 5 jaialdien kartelera:
| 2017/06/09 | 19:00 | 1 | ZIZURKIL – Intxaur | ZIZURKIL-K | HERNANI-K | Eskua |
| 2017/06/09 | 19:00 | 2 | ZIZURKIL – Intxaur | ZIZURKIL-J | HERNANI-J | Eskua |
| 2017/06/09 | 19:00 | 3 | ZIZURKIL – Intxaur | ZIZURKIL-N | HERNANI-N | Eskua |
| 2017/06/09 | 22:00 | 1 | AZKOITIA – Gurea | AZKOITIA-K | AZPEITIA-K | Eskua |
| 2017/06/09 | 22:00 | 2 | AZKOITIA – Gurea | AZKOITIA-J | AZPEITIA-J | Eskua |
| 2017/06/09 | 22:00 | 3 | AZKOITIA – Gurea | AZKOITIA-N | AZPEITIA-N | Eskua |
| 2017/06/09 | 22:00 | 1 | ATAUN – Auzoeta | ATAUN-K | OÑATI-K | Eskua |
| 2017/06/09 | 22:00 | 2 | ATAUN – Auzoeta | ATAUN-J | OÑATI-J | Eskua |
| 2017/06/09 | 22:00 | 3 | ATAUN – Auzoeta | ATAUN-N | OÑATI-N | Eskua |
| 2017/06/10 | 11:30 | 1 | DONOSTIA – Carmelo Balda | DONOSTIA-K | MUTRIKU-K | Zesta punta |
| 2017/06/10 | 11:30 | 2 | DONOSTIA – Carmelo Balda | DONOSTIA-J | MUTRIKU-J | Zesta punta |
| 2017/06/10 | 11:30 | 3 | DONOSTIA – Carmelo Balda | DONOSTIA-N | MUTRIKU-N | Zesta punta |
| 2017/06/10 | 18:00 | 1 | OIARTZUN – Madalensoro | OIARTZUN-K | ASTIGARRAGA-K | Eskua |
| 2017/06/10 | 18:00 | 2 | OIARTZUN – Madalensoro | OIARTZUN-J | ASTIGARRAGA-J | Eskua |
| 2017/06/10 | 18:00 | 3 | OIARTZUN – Madalensoro | OIARTZUN-N | ASTIGARRAGA-N | Eskua |
Edizio honetan, 21 herrik eman dute izena eskuko lehian, 8 palakoan eta 3 zesta-puntakoan:
ESKUA
- Aduna
- Altzo
- Andoain
- Arrasate
- Asteasu
- Astigarraga
- Ataun
- Azkoitia
- Azpeitia
- Bidania-Goiatz
- Donostia
- Errenteria
- Hernani
- Lazkao
- Oiartzun
- Oñati
- Orio
- Tolosa
- Zestoa
- Zizurkil
-
Zumaia
PALA
- Andoain
- Deba
- Donostia
- Errenteria
- Lazkao
- Oiartzun
- Olaberria
-
Ordizia
ZESTA-PUNTA
- Donostia
- Mutriku
- Zumaia
Eskuz, Orio eta Zumaia dira aurtengo parte-hartzaile berriak; baja, berriz, Aia, Bergara, Lasarte-Oria, Lezo, Usurbil eta Zumarraga. Palaz eta zesta-puntaz, bestalde, iazko herri berek jokatuko dute aurten ere.
Finalei dagokienez, palakoa izan da goiztiarrena; ekainaren 18ko asteburuan jokatuko dute zesta-puntakoa; eta eskukoa, aurten estreinakoz, eta herrien proposamenei erantzunez, larunbat arratsaldean izango da, uztailaren 1ean.
50. edizioa izango da aurtengoa eskuz, 27.a palaz eta 20.a zesta-puntaz.
Urte hauetan guztietan Azkoitiak jantzi ditu txapel gehien eskuko txapelketan, 16, hain zuzen ere (beste 6 aldiz izan da txapeldunorde); Donostia da bigarren palmaresean, 6 txapelekin (4 bider azpitxapeldun); eta Hernani eta Azpeitia hirugarren, 5ekin (Hernani 6 ediziotan izan da txapeldunorde, eta Azpeitia 3tan). Iazko edizioa Azpeitiak irabazi zuen, eta Astigarraga izan zen txapeldunorde.
Palaz, Donostiak ditu txapel gehien, 7 (6 aldiz izan da txapeldunorde); Andoain da orain bigarren postuan, aurten irabazteari esker, 6 txapelekin (5 ediziotan izan da txapeldunorde); Errenteria eta Olaberria datoz atzetik, 5na txapelekin (2 bider izan dira biak azpitxapeldun). Iazko emaitza bera errepikatu da aurten ere: Andoainek irabazi du, eta Deba izan da txapeldunorde.
Zesta-puntaz, azkenik, Zumaia da jaun eta jabe, 8 txapelekin (9 aldiz txapeldunorde); Tolosa eta Mutriku ditu atzetik, 4rekin (6 ediziotan izan da azpitxapeldun Tolosa, eta 2tan Mutriku); Donostia da hirugarren postuan 3 txapelekin (behin txapeldunorde). Iazko edizioa Mutrikuk irabazi zuen, eta Zumaia sailkatu zen bigarren.
Gure webgunearen Kartelera atalean eta esteka honetan aurki daiteke txapelketaren inguruko informazio guztia, eta astez asteko jarraipena egin: http://www.gipuzkoapilota.eus/pub/modalidadescompeticion.asp?idioma=eu&idCategoria=23
