Herriarteko Txapelketa: finalerdietarako lehia eskukoan, ligaxkako bosgarren jardunaldia zestakoan

2-0 hartu zuen mendean Deba finalean; 5. txapela da andoaindarrentzat

Andoainek irabazi du 2016ko Gipuzkoako Herriarteko Pala Txapelketa. 2-0 gailendu zitzaion Debari Donostiako Atano III.a pilotalekuan jokatutako finalean (2016-06-05).

Ondoren zehazten dugu jaialdia:

Ekainak 5, igandea, 11:00, Donostia-Atano III.a

1. Larruzko paleta: ANDOAIN (Iradi-Lete) 35 / DEBA (Etxeberria-Beitia) 16

2. Pala motza: ANDOAIN (Altuna-Rekalde) 40 / DEBA (Lopez-Sanchez) 28

Andoainek, hala, bere bosgarren txapela lortu du Herriartekoan. Gainontzeko 4 garaipenak 2009, 2010, 2011 eta 2013 urteetan lortu zituen. Eta beste 5 aldiz txapeldunorde izan da: 1997an, 1999an, 2006an, 2008an eta 2015ean. Txapelketako edizio guztietan hartu dute parte andoaindarrek, hau da, 26 aldiz.

Deba, berriz, 7 bider lehiatu da Herriartekoan, eta lehendabiziko finala zuen igandekoa. 2016ko txapeldunorde izatearekin estreinatu du, beraz, bere palmaresa.

2016ko edizioan, denera, 8 herri lehiatu dira palako txapelketan, iazko parte-hartzaile berak: Andoain, Deba, Donostia, Errenteria, Lazkao, Oiartzun, Olaberria eta Ordizia.

Txapelketaren historian, palaz Donostiak ditu txapel gehien, 7; Errenteria, Olaberria eta aurtengoarekin Andoain dira bigarren postuan, 5na txapelekin; ondoren Oiartzun, 4rekin; eta, azkenik, Ordizia eta Zarautz, txapel banarekin.

Webgune honetako Lehiaketa-Federatua-Herriartekoa atalean aurki daiteke txapelketaren inguruko informazio guztia.

Aurrera darrai 2016ko Herriarteko Gipuzkoako Txapelketak. Palako lehian, Andoainek jantzi zuen txapela aurreko asteburuan (2016-05-06), Debari irabazita. Eta eskukoan finalerdietarako txartelaren bila lehiatuko dira jardunaldi honetan Azkoitia, Zizurkil, Astigarraga, Oñati, Azpeitia, Oiartzun, Hernani eta Lazkao; izan ere, final-laurdenen itzulikoak jokatuko dituzte. Zesta-puntan, azkenik, ligaxkako azkenaurreko jardunaldia izango da, bosgarrena

Hona hemen asteburua osatuko duten 5 jaialdien kartelera:

OSTIRALA, EKAINAK 10

– 19:00, Donostia-Carmelo Balda: DONOSTIA / MUTRIKU (zesta)

– 19:30, Zizurkil-Intxaur: ZIZURKIL / AZKOITIA (eskua)

LARUNBATA, EKAINAK 11

– 16:30, Lazkao-Joxe Miguel Barandiaran: LAZKAO / HERNANI (eskua)

– 18:00, Oñati-Zubikoa: OÑATI / ASTIGARRAGA (eskua)

IGANDEA, EKAINAK 12

– 17:00, Oiartzun-Madalensoro: OIARTZUN / AZPEITIA (eskua)

2016ko Txapelketan, 25 herrik eman zuten izena eskuko lehian, 8 palakoan eta 3 zesta-puntakoan:

ESKUA

Aduna
Aia
Altzo
Andoain
Arrasate
Asteasu
Astigarraga
Ataun
Azkoitia
Azpeitia
Bergara
Bidania-Goiatz
Donostia
Errenteria
Hernani
Lasarte-Oria
Lazkao
Lezo
Oiartzun
Oñati
Tolosa
Usurbil
Zestoa
Zizurkil
Zumarraga

PALA

Andoain
Deba
Donostia
Errenteria
Lazkao
Oiartzun
Olaberria
Ordizia

ZESTA-PUNTA

Donostia
Mutriku
Zumaia

Eskuz, Aduna, Altzo, Bergara, Lazkao eta Usurbil izan dira aurtengo parte-hartzaile berriak; gainera, Adunak eta Altzok lehendabiziko aldiz hartu dute parte txapelketa honetan. Baja izan dira, berriz, Alegia eta Beasain.

Palaz eta zesta-puntaz, bestalde, iazko herri berek jokatu dute aurten ere.

49. edizioa da aurtengoa eskuz, 26.a palaz eta 19. zesta-puntaz.

Webgune honetako Lehiaketa-Federatua-Herriartekoa atalean aurki daiteke txapelketaren inguruko informazio guztia, eta astez asteko jarraipena egin bai bertan bai Kartelera sailean.