Beotibar, Danok Bat, Donostia Jai Alai, Gazteleku, Hondarribiko eta Zumaiako klubak elkartuko dira; egun osoko festa izango da, Aitzuri pilotalekuan: kinielak, erakustaldiak, bazkaria, profesionalen jaialdia…
Gipuzkoako Zesta-punta Eskolen Eguna ospatuko dute, igandean (2022-05-29), Zumaian.
Beotibar (Tolosa), Danok Bat (Mutriku), Donostia Jai Alai (Donostia), Gazteleku (Andoain), Hondarribiko (Hondarribia) eta Zumaiako (Zumaia) klubak izango dira protagonista.
Aitzuri pilotalekura bildutakoek egun osoko festaz gozatzeko aukera izango dute (kartela, albiste honen eranskinean):
-
Benjamin, alebin eta infantil kategorietako puntisten kinielekin hasiko da Zesta-punta Eskolen Eguna, 10:00etan
-
13:00ak aldera, emakume puntistek erakustaldia eskainiko dute
-
14:30erako jarri dute bazkarirako hitzordua
- Eta bazkal ondoren puntista profesionalak ikusteko aukera izango da, Aitzurin. 16:30ean, Goikoetxea-Lopez eta Erkiaga-Irastorza bikoteak izango dira aurrez aurre
Animatu eta azaldu zesta-puntaz disfrutatzera!
*Argazkiak: Danok Bat kluba
