Lehenik, Danok Bat eta Azkoitia 2 taldeak izango dira aurrez aurre, 2. mailako finalean; eta ondoren neurtuko dira Zarautz eta Loiolatarra 2, 1. mailako finalean; jaialdia 20:30ean hasiko da
Pixkanaka-pixkanaka, hainbat espezialitatetako lehiak azken txanpara iristen ari dira Ezker Hormako Kluben Arteko Gipuzkoako Txapelketan. Ostiral honetan (2017-11-24), esaterako, finalak jokatuko dituzte gizonezkoen gomazko paletako nagusien mailan ari diren pilotariek. Hain zuzen ere, 1. eta 2. mailako norgehiagokak izango dira ikusgai, Donostiako Loiola auzoan, 20:30etik aurrera (datorren jardunaldian jokatuko dituzte 22 urtez azpikoen eta nagusien 3. mailako finalak).
Ondoren zehazten dugu jaialdia:
Azaroak 24, ostirala, 20:30, Donostia-Loiola
1. Gomazko paleta mutilak, nagusiak 2. maila:
DANOK BAT (Elezgarai-Garalde) / AZKOITIA 2 (Epelde-Azpiroz)
DANOK BAT (Elezgarai-Garalde) / AZKOITIA 2 (Epelde-Azpiroz)
2. Gomazko paleta mutilak, nagusiak 1. maila:
ZARAUTZ (Aizpuru-Daguerre) / LOIOLATARRA 2 (Salaberria-Huegun)
Webgune honetako Lehiaketa-Federatua-Gipuzkoa Ezker Horma-gomazko paleta eta Kartelera ataletan kontsulta daitezke xehetasun guztiak.
