Martxoaren 19ko jardunaldian ekingo diote lehiari Gipuzkoako pilotariek, eta haiekin batera Arabako, Bizkaiko, Iparraldeko, Nafarroako eta Errioxako ordezkaritzek; maiatzaren 7ko asteburuan izango dira finalak
Gipuzkoako Selekzioa buru-belarri ari da lanean laster iritsiko den hitzordu garrantzitsurako: federazioen arteko GRABNI Txapelketa. Martxoaren 19ko asteburuan ekingo diote lehiari Gipuzkoako pilotariek eta, haiekin batera, Arabako, Bizkaiko, Iparraldeko, Nafarroako eta Errioxako (Espainia) ordezkaritzek.
Bost jardunaldiko ligaxka jokatuko dute guztiek lehenik, martxoaren 19ko jardunaldian hasi eta apirilaren 23kora bitarte. Etxetik kanpo hasiko du txapelketa Gipuzkoak, Iparralden, hain zuzen ere; 3. eta 5. jardunaldietan ere etxetik kanpo bidaiatu beharko du, Errioxaren eta Bizkaiaren aurka aritzeko, hurrenez hurren. Gainontzeko bi jardunaldiak, hau da, 2.a eta 4.a, etxean jokatuko ditu Gipuzkoako Selekzioak: Araba hartuko du bigarrenean, eta Nafarroa laugarrenean.
Ligaxka bukatuta, finalerdien txanda izango da, apirilaren 30eko asteburuan. Hain zuzen ere, Gipuzkoak hartuko ditu ezker hormako finalerdiak, eta Bizkaian jokatuko dituzte trinketekoak.
Final guztiak maiatzaren 7ko jardunaldian izango dira, Araban.
Hona hemen egutegi osoa:
| JARDUNALDIA | DATA | ETXEKOA | KANPOKOA |
| 1 | MARTXOAK 19 | Iparralde | GIPUZKOA |
| Nafarroa |
|
||
| Errioxa | Araba | ||
| 2 | MARTXOAK 26 |
|
Iparralde |
| GIPUZKOA |
|
||
| Nafarroa | Errioxa | ||
| 3 | APIRILAK 2 | Araba | Bizkaia |
| Errioxa | GIPUZKOA | ||
| Iparralde | Nafarroa | ||
| 4 | APIRILAK 16 | GIPUZKOA | Nafarroa |
| Bizkaia | Errioxa | ||
| Araba | Iparralde | ||
| 5 | APIRILAK 23 |
|
GIPUZKOA |
| Araba | Nafarroa | ||
| Errioxa | Iparralde | ||
| 6 | APIRILAK 30 |
|
|
| 7 | MAIATZAK 7 |
FINALAK Araban |
|
