Zumaia 3 eta Zumaia 4 taldeak izango dira aurrez aurre, Aitzuri pilotalekuan; 16:00etan hasiko da jaialdia, eta lehendabiziko partida 3. eta 4. postuak erabakitzeko lehia izango da, Lizardi Igeldo eta Ilunpe 1 taldeen artean
Eskola Kiroleko Gipuzkoako Txapelketako denboraldiko lehendabiziko finala jokatuko dute, asteburuan: hain zuzen ere, alebinen kategoriako paletako lehia (molle-pelle pilotarekin) izango da ikusgai, larunbat arratsaldean, Zumaiako Aitzuri pilotalekuan. 16:00etan hasiko da jaialdia: lehenik, 3. eta 4. postuak erabakitzeko norgehiagoka jokatuko dute, eta ondoren izango da finala.
Hauexek dira jaialdiaren xehetasunak:
Urtarrilak 27, larunbata, 16:00, Zumaia-Aitzuri
1. Paleta, alebinak. 3. eta 4. postua:
LIZARDI IGELDO (Amaiur Otamendi-Aiert Gorriz-Haritz Lizarralde)
ILUNPE 1 (Alain Aristondo-Oier Eskudero-Anje Alkorta)
2. Paleta, alebinak. FINALA:
ZUMAIA 3 (Beñat Argoitia-Luken Osanbela-Aimar Rodriguez)
ZUMAIA 4 (Oier Alkorta-Haitz Leon-Xabat Esteibar)
Webgune honetako Lehiaketa-Eskolartekoa-Gipuzkoa-Paleta-Alebinak atalean kontsulta daiteke lehia honi buruzko informazio guztia.
