Donibane Lohizunekoek berriro irabazi dute Enrique Abril Errebote Txapeketa, oraingoan Uztaritzeko Kapito Harri taldearen aurka finalean 13-8 nagusituta; beraien 20. txapela dute aurtengoa
Beste behin, Luzean taldea nagusitu da Enrique Abril Errebote Txapelketako finalean, eta 60. edizioko txapela jantzi dute Donibane Lohizunekoek. Lapurtarren arteko lehian, 13-8 irabazi diote donibandarrek Uztaritzeko Kapito Harri taldeari. Beraien 20. txapela da aurtengoa.
Azaroak 5, igandea, 10:30, Villabona-Errebote plaza
LUZEAN (Donibane Lohizune) 13
KAPITO HARRI (Uztaritze) 8
31. finala zen igandekoa Luzean taldearentzat, eta 20. txapela gehitu dio bere palmaresari; gainontzeko 19ak 1963-64, 1964-65, 1965-66, 1966-67, 1967-68, 1975-76, 1976-77, 1977-78, 1978-79, 2005-06, 2008-09, 2012-13, 2013-14, 2014-15, 2015-16, 2016-17, 2017-18, 2021-22 eta 2022-23 denboraldietan lortu zituen. Eta beste 11 aldiz izan dira txapeldunorde donibandarrak, denboraldi hauetan: 1968-69, 1972-73, 1973-74, 1982-83, 1989-90, 1993-94, 2002-03, 2006-07, 2007-08, 2011-12 eta 2018-19.
Kapito Harri taldearentzat, bestalde, 19. finala zen hauxe. 11 txapel dituzte uztariztarrek: 1995-96, 1998-99, 1999-2000, 2000-01, 2003-04, 2004-05, 2006-07, 2007-08, 2009-10, 2010-11 eta 2011-12 denboraldietan lortutakoak. Eta, aurtengoarekin, 8 bider izan dira txapeldunorde, denboraldi hauetan: 1983-84, 1984-85, 1986-87, 1994-95, 1997-98, 2001-02 eta 2012-13.
Bi taldeek elkarren aurka jokatzen duten 5. finala izan da hau: 2006-07an neurtu zituzten indarrak lehendabiziko aldiz, eta Kapito Harrik irabazi zuen (13-5); 2007-08an, eta Kapito Harrik irabazi zuen berriro (13-3); 2011-12an, Kapito Harri txapeldun beste behin (13-4); 2012-13an, oraingo honetan Luzean taldeak jantzi zuen txapela (13-5); eta azkena aurtengoa, Luzean-en garaipenarekin (13-8).
Luzean da, hain justu, sailkapen buru palmaresari dagokionean; esan bezala, 20 txapelekin (11 aldiz txapeldunorde). Atzetik ditu Aviron Bayonnais, 14 txapelekin (6 aldiz azpitxapeldun); Kapito Harri, 11rekin (8 aldiz txapeldunorde); Behar Zana eta Noizbait, 4rekin (biak 9 aldiz azpitxapeldun); Zubieta eta Endaiarrak, 2rekin (hurrenez hurren, 5 aldiz eta behin txapeldunorde); eta Yoko Garbi eta Zaharrer Segi, banarekin (lehenak 6 aldiz txapeldunorde eta bigarrenak behin). Oiarpe, Donapaleu eta Sara taldeek ez dute txapelik, baina hirurak behin izan dira azpitxapeldun.
Euskal Herriko 6 talde lehiatu dira 60. Enrique Abril Errebote Txapelketan: Behar Zana (Amasa-Villabona, Gipuzkoa), Kanboarrak (Kanbo, Lapurdi), Kapito Harri (Uztaritze, Lapurdi), Luzean (Donibane Lohizune, Lapurdi), Txost (Oiartzun, Gipuzkoa) eta Zubieta (Zubieta, Gipuzkoa).
Lehiaketa-Federatua-Enrique Abril-Errebote nagusiak atalean kontsulta daiteke txapelketaren inguruko informazioa. Eta hainbat irudi-bilduma ikusgai daude Argazki galeriak txokoan.
