63. Enrique Abril Errebote Txapelketa finalerdietara iritsi da, eta Behar Zana izango da Gipuzkoako ordezkari bakarra azken txanpa honetan. Amasa-Villabonako taldeak B multzoko lehen postuan amaitu du ligaxka, eta Goizeko Izarra (Donibane Garazi, Nafarroa Beherea) izango du aurkari igande honetan.
Beste finalerdian, Luzean (Donibane Lohizune, Lapurdi) eta Kanboarrak (Kanbo, Lapurdi) ariko dira aurrez aurre.
Urriak 4, igandea, 10:30, Zubieta
LUZEAN vs KANBOARRAK
Urriak 4, igandea, 10:30, Villabona
BEHAR ZANA vs GOIZEKO IZARRA
Lehen fasea amaituta, honela gelditu da sailkapena:
A MULTZOA
- Luzean, 6 puntu
- Goizeko Izarra, 5 puntu
- Txost, 4 puntu
- Zubieta 2, 3 puntu
B MULTZOA
- Behar Zana, 4 puntu
- Kanboarrak, 3 puntu
- Zubieta 1, 2 puntu
- SPUC, 0 puntu
Hortaz, txapelketan parte hartu duten lau talde gipuzkoarretatik, Behar Zanak egingo du aurrera; Txost, Zubieta 1 eta Zubieta 2 lehen fasean gelditu dira.
Finalerdietako irabazleek urriaren 11n jokatuko dute 63. Enrique Abril Errebote Txapelketako finala, Villabonako plazan.
Txapelketako egutegia, emaitzak eta sailkapena webguneko “Lehiaketa” atalean kontsultatu daitezke.
