Eskuz binakako eta emakumezkoen gomazko paletako lehiekin hasiko da txapelketa, eta datozen jardunaldietan gehituko zaizkie gainontzeko espezialitateak; martxoaren 6ko asteburuan izango da lehendabiziko finala, zesta-puntakoa, eta martxoaren 27koan jokatu
Asteburuan (2022-01-09) hasiko da 2021-22 denboraldiko Udaberri Saria. Eskuz binakako lehiarekin ekingo diote (kadeteak, jubenilak eta nagusiak), eta emakumezkoen gomazko paletako txapelketarekin (jubenilak); eta datozen jardunaldietan gehituko zaizkie gainontzeko espezialitateak: gomazko paleta gizonezkoak, larruzko paleta eta zesta-punta, besteak beste.
Han zuzen ere, jokamolde hauetan ariko dira pilotariak:
- Eskuz binaka: kadetetan (11 talde 1. mailan, 21 2. mailan eta 7 3. mailan), jubeniletan (17 bikote 1. mailan eta 7 2. mailan), eta nagusietan (23 talde 1. mailan eta 26 2. mailan)
- Gomazko paleta: emakumezkoetan, jubeniletan (6 bikote, maila bakarra) eta nagusietan (4 talde, maila bakarra); eta gizonezkoetan, nagusietan (24 talde, maila bakarra)
- Larruzko paleta: nagusietan (maila bakarra, 6 bikote)
- Zesta-punta: kadetetan (3 talde, maila bakarra)
Lehia guztietan, lehenik ligaxka jokatuko dute denek. Otsailaren 20ko jardunaldira arte luzatuko da espezialitate batzuetan, martxoaren 6kora bitarte beste batzuetan, eta hil bereko 13kora arte gainontzekoetan. Ondoren, kanporaketen txanda izango da.
Lehendabiziko finala martxoaren 6ko asteburuan izango da; hain zuzen ere, zesta-puntakoa (kadeteak). Martxoaren 13ko jardunaldian izango dira ikusgai hurrengo finalak: gomazko paleta neska nagusiak eta larruzko paleta nagusiak. Martxoaren 20ko asteburuan gomazko paleta mutil nagusien finala izango da. Eta, azkenik, martxoaren 27koan, eskuz binakako guztiak (kadeteak, jubenilak eta nagusiak, maila denetan), eta gomazko paleta neska jubenilak.
Hain zuzen ere, espezialitate, kategoria eta maila bakoitzeko xehetasunak webgune honetako Lehiaketa-Federatua-Udaberri atalean aurkituko dituzue. Bertan eta Kartelera txokoan egin ahal izango diozue asteroko jarraipena txapelketari.
