Asteburu honetan jokatuko dira azken finalak
Bukatzear da Ezker Hormako Elkarteen Arteko Gipuzkoako Txapelketa-Kutxa Saria. Izan ere, asteburu honetan azken finalak jokatuko dira. Han-hemenka, zortzi jaialdi izango dira, final ugarirekin; bada non aukeratua, behintzat. Ondoren azalduko ditugu xehetasunak:
*Abenduak 17, ostirala, 20:00, Deba
1. Eskuz binaka kadeteak (3. maila): EUSKAL JOLAS 2 / GOIERRI
2. Eskuz binaka jubenilak (3. maila): EPLE / GURE TXERU
*Abenduak 18, larunbata, 10:00, Hernani-Galarreta
1. Erremontea nagusiak: ANTIGUA / ZUMAIA
*Abenduak 18, larunbata, 10:30, Tolosa-Beotibar
1. Eskuz banaka jubenilak: GOIERRI / ZAZPI ITTURRI
2. Eskuz banaka nagusiak: ANIZTASUNA / OZKARBI
3. Eskuz binaka nagusiak (1. maila): ZAZPI ITTURRI / ANTIGUA
*Abenduak 18, larunbata, 16:00, Tolosa-Beotibar
1. Gomazko paleta neska jubenilak: HERNANI 4 / HERNANI 2
2. Gomazko paleta neska nagusiak (2. maila). Emakumea Pilotari Txapelketa: LENDINEZ-GUTIERREZ / BAÑALES-PEREZ
2. Gomazko paleta neska nagusiak (1. maila). Emakumea Pilotari Txapelketa: REDONDO-Maider MENDIZABAL / ZABALA-AROZENA
*Abenduak 18, larunbata, 17:00, Hernani
1. Eskuz binaka kadeteak (2. maila): USURBIL / AURRERA SAIAZ
2. Eskuz binaka nagusiak (2. maila): OIARPE 1 / ZUMAIA
3. Eskuz binaka nagusiak (3. maila): GAZTELEKU 1 / ILUNPE 1
*Abenduak 19, igandea, 10:00, Deba
1. Larruzko paleta nagusiak (3. maila)
2. Larruzko paleta nagusiak (2. maila)
3. Larruzko paleta nagusiak (1. maila)
*Abenduak 19, igandea, 10:30, Donostia-Carmelo Balda
1. Zesta-punta kadeteak: DONOSTIA JAI ALAI 1 / ZUMAIA
2. Zesta-punta nagusiak: GAZTELEKU 1 / DANOK BAT
*Abenduak 19, igandea, 11:00, Zumarraga
1. Gomazko paleta mutil nagusiak (3. maila): LAGUNAK 1 / ALTZATARRA
Webgune honetako Lehiaketak atalean kontsulta ditzakezue jokamolde hauen inguruko nondik norakoak: emaitzak, sailkapenak…
Dagoeneko zabalik da Udaberri Txapelketan izena emateko epea.
Urtarrilaren 16tik apirilaren 3ra bitarte jokatuko da lehia hau.
Webgune honetako Lehiaketak atalean aurkituko dituzue xehetasun gehiago eta hainbat dokumentu: aurkezpena, araudia, eranskina, izen-emate orria, zesio eredua…
Abenduaren 30a izango da izena emateko azken eguna.
Larunbatean, abenduak 18, emango zaio amaiera Ezker Hormako V. Emakumea Pilotari Txapelketa-Kutxa Sariari. Izan ere, 1. eta 2. mailako finalak jokatuko dira, 16:00etan hasiko den jaialdian, Tolosako Beotibar pilotalekuan. Jaialdiko lehen partidan, berriz, Ezker Hormako Gipuzkoako Elkarteen Arteko Txapelketako neska jubenilen finala izango da ikusgai. Ondoren zehazten dugu jaialdia:
*Abenduak 18, larunbata, 16:00, Tolosa-Beotibar
1. Gomazko paleta neskak, jubenilak (Gipuzkoako Txapelketa): HERNANI 4 (Miren Goikoetxea-Maider Huizi) / HERNANI 2 (Amaia Irazustabarrena-Maider Semper)
2. Gomazko paleta neskak, nagusien 2. maila (EmP Txapelketa): LENDINEZ-GUTIERREZ / BAÑALES-PEREZ
3. Gomazko paleta neskak, nagusien 1. maila (EmP Txapelketa): REDONDO-MAIDER MENDIZABAL / ZABALA-AROZENA
2. mailako finalean bi hernaniar ariko dira atzelari postuan; bi aurrelariak, aldiz, Altzatarra elkartekoak dira. Ligaxkan bikote hauek elkarren aurka jokatu zutenean Bañales-Perez nagusitu ziren, partida gogor bezain estu baten ondoren, 30-25eko emaitzarekin. Beraz, norgehiagokak ez du pronostiko argirik.
1. mailakoan, bestalde, bi beterano, ez hainbeste adinez baizik eta eskarmentuz, izango dira nor baino nor atzeko koadroetan: Maider Mendizabal eta Nagore Arozena. Hiru aldiz neurtu dituzte indarrak Emakumea Pilotariko frontoiko finaletan, eta hirurak lehenak irabazi ditu. Beraz, Arozena lizartzarra gogotsu kantxaratuko da. Aurrean, berriz, txapelketa osoan zehar euren lana txukun bete duten Maite Redondo oriotarra eta Miren Zabala azpeitiarra ariko dira nor baino nor.
Informazio gehiago webgune honetako Lehiaketa atalean, eta http://www.blogak.com/emakumeapilotari gunean.
