Idiazabalek nagusien Ohorezko mailako eta jubenilen 1. mailako finalen jaialdia hartuko du, larunbatean, 11:00etan; eta ostiralean, 19:00etan hasita, Villabonan, nagusien 1. eta 2. mailako norgehiagokak izango dira ikusgai
Eskuzko lehendabiziko finalak jokatuko dituzte, asteburuan, Ezker Hormako Kluben Arteko Gipuzkoako Txapelketan. Hain zuzen ere, eskuz binakako jubenilen 1. mailako eta nagusien Ohorezko, 1. eta 2. mailako lehiak izango dira ikusgai, Idiazabalen eta Villabonan.
Idiazabalgo Igarondo pilotalekuak hartuko du nagusien Ohorezko mailako eta jubenilen 1. mailako finalen jaialdia; larunbatean izango da, 11:00etan hasita.
Aurretik, ostiralean, nagusien 1. eta 2. mailako finalak izango dira ikusgai, Villabonako Behar Zana frontoian, 19:00etatik aurrera
Xehetasun guztiak, ondorengo lerroetan:
2. Eskuz binaka nagusiak, 1. maila:
AZKOITIA (Mikel Aranbarri-Iker Garcia) / LAPKE 1 (Faben Ituarte-Artea Goiburu)
TARTALOETXE (Beñat Azketa-Aitor Elizegi) / TOLOSA (Iñaki Elola-Julen Aizpuru)
Iazko finala errepikatuko da nagusien Ohorezko mailan. Azketa-Elizegi bikoteak ordezkatu zuen aurreko denboraldian ere Tartaloetxe taldea, eta egungo Gipuzkoako txapeldunak dira, 9-22 irabazi baitzioten Tolosari. Labaka-Telletxea bikoak jokatu zuen orduan Tolosaren izenean; oraingoan Elola-Aizpuru izango dituzte aurkari Zegamako klubekoek.
Webgune honetako Lehiaketa-Federatua-Gipuzkoa eskuz binaka eta Kartelera ataletan dago eskuragarri final hauen inguruko informazioa, zein kategoria eta maila guztietako lehiek utzitako emaitzak, sailkapenak eta beste hainbat datu.
