Azken txanpan sartu da Enrique Abril Errebote Txapelketa. Ligaxka amaituta, igande honetan (2016-10-23) jokatuko dituzte finalerdiak.

Alde batetik, Zubieta eta Endaiarrak taldeak izango dira aurrez aurre, 11:00etan, Zubietako plazan (B multzoko lehen sailkatuak izan dira zubietarrak, eta Endaiarrak taldea A multzoan bigarren sailkatu da). Eta, bestetik, egun eta ordu berean, baina Oiartzungo plazan, Luzean eta Noizbait ariko dira nor baino nor (Luzean A multzoko lehena izan da, eta Noizbat B multzoko bigarrena). Hona hemen bi hitzorduak:

Urriak 23, igandea, 11:00

- Zubieta: Zubieta vs Endaiarrak

- Oiartzun: Luzean vs Noizbait

Finala (eta txapelketaren azken txanpa jokatu ahal izateko eguraldiak laguntzen badu) urriaren 30ean jokatzea aurreikusten da. Villabonako Errebote plazan izango da hitzordua, 11:00etan.

Euskal Herriko zortzi taldek hartu dute parte 2016-17 denboraldiko Enrique Abril Errebote Txapelketan. Horietatik hiru Gipuzkoakoak: Behar Zana (Villabona), Txost (Oiartzun) eta Zubieta (Zubieta). Eta beste bostak Lapurdikoak: Endaiarrak (Hendaia), Kanboarrak (Kanbo), Luzean (Donibane Lohizune), Noizbait (Hazparne) eta Senpere (Senpere).

Lehiaketa-Federatua-Enrique Abril eta Kartelera ataletan kontsulta daiteke txapelketaren inguruko informazio guztia.