Andoainek eta Debak jokatuko dute 2016ko Herriarteko Pala Txapelketako finala, igandean (2016-06-05), 11:00etatik aurrera, Donostiako Atano III.a pilotalekuan:

Ekainak 5, igandea, 11:00, Donostia-Atano III.a

ANDOAIN / DEBA, larruzko paletaz eta pala motzaz

Olaberria eta Errenteria finalaren atarian geratu dira. Olaberriak 3-1 galdu zuen finalerdietan Andoainen aurka (joanekoan 2-0 galdu: 35-25, 40-32; eta itzulikoan 1na berdindu: 35-31, 20-40).  Eta Errenteriak emaitza berarekin, 1-3, Debaren kontra (joanekoan 1na berdindu: 32-35, 40-17; eta itzulikoan 2-0 galdu: 35-29, 40-36).

Andoainek Herriarteko Pala Txapelketaren edizio guztietan hartu du parte, hau da, 26 aldiz; eta Deba 7 bider lehiatu da. Andoainek 4tan jantzi du txapela: 2009, 2010, 2011 eta 2013an. Eta beste 5etan txapeldunorde izan da: 1997an, 1999an, 2006an, 2008an eta azkena iaz. Debarentzat, berriz, lehendabiziko finala da txapelketa honetan.

Bestetik, eskuko lehian final-laurdenetako joanekoak jokatuko dituzte. Eta zesta-puntan ligaxkako 4. jardunaldia. Hona hemen asteburua osatuko duten 6 jaialdien kartelera (palako finala barne):
 

OSTIRALA, EKAINAK 3

- 19:00, Getaria-Sahatsaga: ZUMAIA / DONOSTIA (zesta)

- 19:30, Astigarraga-Udalekoa: ASTIGARRAGA / OÑATI (eskua)

- 22:00, Azkoitia-Gurea: AZKOITIA / ZIZURKIL (eskua)

LARUNBATA, EKAINAK 4

- 16:30, Hernani-Udalekoa: HERNANI / LAZKAO (eskua)

- 19:00, Azpeitia-Frontoi Txiki: AZPEITIA / OIARTZUN (eskua)

IGANDEA, EKAINAK 5

- 11:00, Donostia-Atano III.a: ANDOAIN / DEBA (PALA, FINALA)

2016ko Txapelketan, 25 herrik eman zuten izena eskuko lehian, 8 palakoan eta 3 zesta-puntakoan:

ESKUA

1. Aduna
2. Aia
3. Altzo
4. Andoain
5. Arrasate
6. Asteasu
7. Astigarraga
8. Ataun
9. Azkoitia
10. Azpeitia
11. Bergara
12. Bidania-Goiatz
13. Donostia
14. Errenteria
15. Hernani
16. Lasarte-Oria
17. Lazkao
18. Lezo
19. Oiartzun
20. Oñati
21. Tolosa
22. Usurbil
23. Zestoa
24. Zizurkil
25. Zumarraga
     

PALA

1. Andoain
2. Deba
3. Donostia
4. Errenteria
5. Lazkao
6. Oiartzun
7. Olaberria
8. Ordizia
    

ZESTA-PUNTA

1. Donostia
2. Mutriku
3. Zumaia

Eskuz, Aduna, Altzo, Bergara, Lazkao eta Usurbil izan dira aurtengo parte-hartzaile berriak; gainera, Adunak eta Altzok lehendabiziko aldiz hartu dute parte txapelketa honetan. Baja izan dira, berriz, Alegia eta Beasain.

Palaz eta zesta-puntaz, bestalde, iazko herri berek jokatuko dute aurten ere.

49. edizioa izango da aurtengoa eskuz, 26.a palaz eta 19. zesta-puntaz.

Urte hauetan guztietan Azkoitiak jantzi ditu txapel gehien eskuko txapelketan, 16, hain zuzen ere; Donostia da bigarren palmaresean, 6 txapelekin; eta Hernani hirugarren, 5ekin. Iazko edizioa Azpeitiak irabazi zuen, eta Tolosa izan zen txapeldunorde.

Palaz, Donostiak ditu txapel gehien, 7; Errenteria eta Olaberria dira bigarren postuan, 5na txapelekin; eta ondoren Andoain, 4rekin. Donostiak irabazi zuen iaz, eta Andoain izan zen txapeldunorde.

Zesta-puntaz, azkenik, Zumaia da jaun eta jabe, 8 txapelekin; Tolosa du atzetik, 4rekin; eta Mutriku eta Donostia hirugarren postuan 3 txapelekin. Iazko edizioa Mutrikuk irabazi zuen, eta Zumaia sailkatu zen bigarren.

Webgune honetako Lehiaketa-Federatua-Herriartekoa atalean aurki daiteke txapelketaren inguruko informazio guztia, eta astez asteko jarraipena egin bai bertan bai Kartelera sailean.