Jokoan da Emakumeen Paleta Argentinarreko Kutxa Saria
2012/05/31 | Lehiaketa
Euskal Herriko zein mundu mailako pilotari onenek hartuko dute parte; ekainaren 24an jokatuko da finala, Irungo Ramuntxo Berri trinketean
![]() Martxan da Emakumeen Paleta Argentinarreko Kutxa Sari Nagusia. Gipuzkoako Euskal Pilota Federazioak (GEPF) antolatzen duen lehiaketa honek Euskal Herriko pilotaririk onenak biltzen ditu eta, aldi berean, baita mundu mailakoak ere. Izan ere, inoiz trinketeko munduko txapeldun edota Munduko Kopako txapeldun izan dira, besteak beste, txapelketa honetan ariko diren Maite Ruiz de Larramendi, Maika Elguezabal, Amaia Etchelecu, Nagore Arozena, Maider Mendizabal, Stephanie Leiza eta Maritxu Housset.
Antolaketa Batzordeak, hain zuzen ere, 12 pilotari hautatu ditu, 6 bikote osatuz. Bikote hauek bi multzotan banatu dituzte, hiruna bakoitzean. Zehazki, hauexek dira parte-hartzaileak:
Multzo bakoitzean joaneko ligaxka jokatuko dute pilotariek, denek denen aurka, maiatzaren 27tik ekainaren 10era bitartean. Lehenengo eta bigarren postuetan sailkatutako bikoteek, elkarren aurka gurutzatuta, finalerdiak jokatuko dituzte norgehiagoka batera, ekainaren 17an. Ekainaren 24an, azkenik, finalerdietako irabazleek finala jokatuko dute eta galtzaileek, berriz, 3. eta 4. posturako lehia.
Jardunaldi guztiak Irungo Ramuntxo Berri trinketean jokatuko dira, igande goizetan, 11:30etik aurrera. Jaialdi bakoitzean bina partida ikusteko aukera izango da. Hona hemen jardunaldiz jardunaldiko egutegia:
1. Amaia ETCHELECU-Maika ELGUEZABAL / Argia OLTZOMENDI-Maite RUIZ DE LARRAMENDI
1. Haizea ZAMORA-Maritxu HOUSSET / Sylvie HALSOUET-Nagore AROZENA
1. Stephanie LEIZA-Severine GRACIET / Haizea ZAMORA-Maritxu HOUSSET
1. A1 / B2
1. 3.4. postuak
Txapelketaren jarraipena egin ahal izango duzue webgune honetako Lehiaketa eta Kartelera ataletan, eta baita www.blogak.com/emakumeapilotari atarian ere. www.gipuzkoapilota.org-eko Argazki galeriak atalean, gainera, txapelketako hainbat irudi izango dira ikusgai. |
|