Aurreko denboraldian bezala, oraingoan ere Gazteleku (Andoain) eta Oiangu (Ordizia) klubetako pilotariek jokatuko dute Ezker Hormako Kluben Arteko Gipuzkoako Txapelketako palako finala. Larunbatean izango da lehia, 16:30ean hasita, Donostiako Carmelo Balda pilotalekuan:

Urtarrilak 5, larunbata, 16:30, Donostia-Carmelo Balda
 

1. Pala, nagusiak: GAZTELEKU (Altuna-Rekalde) / OIANGU (Luzuriaga-Letamendia)

Aurreko edizioko finala estua izan zen, eta azkenean Gaztelekuk 45-43ko emaitzarekin irabazi zuen. Ikusteko dago zer pasatuko den oraingoan.

Lau talde lehiatu dira palako txapelketan: Gaztelekuz eta Oianguz gain, Eple (Errenteria) eta Urnieta.

Webgune honetako Lehiaketa-Federatua-Gipuzkoa ezker horma-Pala eta Kartelera ataletan aurkituko dituzue txapelketaren xehetasun guztiak.