Gainontzeko espezialitateetako lehiek ere aurrera jarraitzen dute 2018ko Herriarteko Txapelketan.

Asteburu honetan, eskuz, esaterako, finalerdietara sailkatzea izango dute jokoan Azpeitiak, Asteasuk, Oiartzunek, Oñatik, Hernanik, Azkoitiak, Ataunek eta Zizurkilek; final-laurdenen itzulerako jaialdiak jokatuko baitituzte.

Zesta-puntaz, bestetik, amaitzear da ligaxka, eta 5. eta azkenaurreko jardunaldia jokatuko dute asteburuan Donostiak, Zumaiak, Hondarribiak eta Mutrikuk.

Gomazko paletaz, azkenik, finalerdiei ekingo diete Zumarragak, Azpeitiak, Donostiak eta Hernanik.

Hauxe da, hain zuzen ere, asteburu honetarako kartelera:

Ekainak 8, ostirala

- 19:00, Donostia-Altza: ERRENTERIA / OIARTZUN (larruzko paleta eta pala motza). FINALA

- 19:00, Zizurkil-Intxaur: ZIZURKIL / ATAUN (eskua)

- 19:30, Oiartzun-Madalensoro: OÑATI / OIARTZUN (eskua)

- 20:00, Asteasu-Usarrabi: ASTEASU / AZPEITIA (eskua)

- 22:00, Azkoitia-Gurea: AZKOITIA / HERNANI (eskua)

Ekainak 9, larunbata

- 17:00, Donostia-Carmelo Balda: DONOSTIA / ZUMAIA (zesta-punta)

- 19:00, Zumarraga-Beloki: ZUMARRAGA / AZPEITIA (gomazko paleta)

Ekainak 10, igandea

- 11:00, Donostia-Loiola: DONOSTIA / HERNANI (gomazko paleta)

- 17:00, Mutriku-Miruaitz: HONDARRIBIA / MUTRIKU (zesta-punta)

2018ko edizioan 18 herrik eman zuen izena eskuko lehian, 8 ari dira palaz, 4 zesta-puntaz eta 16 gomazko paletaz (estreinakoz jokatuko da gomazko paletako lehia). Hauexek dira aurtengo parte-hartzaileak:

ESKUA

1. Aia
2. Altzo
3. Andoain
4. Asteasu
5. Astigarraga
6. Ataun
7. Azkoitia
8. Azpeitia
9. Beasain
10. Bidania-Goiatz
11. Donostia
12. Errenteria
13. Hernani
14. Oiartzun
15. Oñati
16. Tolosa
17. Zizurkil
18. Zumaia

PALA

1. Andoain
2. Deba
3. Donostia
4. Errenteria
5. Lazkao
6. Oiartzun
7. Olaberria
8. Ordizia

ZESTA-PUNTA

1. Donostia
2. Hondarribia
3. Mutriku
4. Zumaia

GOMAZKO PALETA

1. Amasa-Villabona
2. Andoain
3. Anoeta
4. Astigarraga
5. Azkoitia
6. Azpeitia
7. Deba
8. Donostia
9. Elgoibar
10. Errenteria
11. Hernani
12. Soraluze
13. Tolosa
14. Zestoa
15. Zumaia
16. Zumarraga

Asteburu honetan jokatuko den palako finalaren ondoren, zesta-puntako zein gomazko paletako finalen txanda izango da, ekainaren 24ko jardunaldian. Azkenik, eskuko finala ekainaren 30ean jokatuko da, larunbata, arratsaldez, Donostiako Atano III.ean.

51. edizioa da aurtengoa eskuz, 28.a palaz, 21.a zesta-puntaz, eta 1.a gomazko paletaz.

Urte hauetan guztietan Azkoitiak jantzi ditu txapel gehien eskuko txapelketan, 16, hain zuzen ere (beste 6 aldiz izan da txapeldunorde); Donostia da bigarren palmaresean, 6 txapelekin (4 bider azpitxapeldun); eta Azpeitia hirugarren, 6rekin (3tan txapeldunorde). Iazko edizioa Azpeitiak irabazi zuen, eta Astigarraga izan zen txapeldunorde. Azpeitia berriro nagusituko balitz, lehendabiziko herria litzateke lau aldiz jarraian lehia irabazten.

Palaz, Donostiak ditu txapel gehien, 7 (6 aldiz izan da txapeldunorde); Andoain da bigarren postuan, 6 txapelekin (5 bider azpitxapeldun); eta Errenteria eta Olaberria dira hirugarren postuan, 5na txapelekin (biak bi ediziotan txapeldunorde). Andoainek irabazi zuen iaz, eta Deba izan zen txapeldunorde.

Zesta-puntaz, azkenik, Zumaia da jaun eta jabe, 8 txapelekin (10 aldiz txapeldunorde); Mutriku du atzetik, 5 txapelekin (2 bider azpitxapeldun); eta Tolosa da hirugarren postuan, 4 txapelekin (6tan txapeldunorde). Iazko edizioa Mutrikuk irabazi zuen, eta Zumaia sailkatu zen bigarren.

Herriarteko Txapelketaren inguruko informazio guztia webgune honetako Lehiaketa-Federatua-Herriartekoa atalean dago eskuragarri: https://bit.ly/2sJNuMu. Bertan eta Kartelera txokoan astez asteko jarraipen zehatza egin ahal izango duzue.