Ilunpe 1 taldeak (Iturzaeta-Otaegi) irabazi du Ezker Hormako Elkarteen Arteko Txapelketaren erremonteko finala. Azpeitiko taldeak 27-40 hartu zuen mendean Zumaia (Segurola-Arizaga), joan den larunbatean (2011-12-10) Hernaniko Galarreta frontoian jokatutako norgehiagokan. Ondoren zehazten dugu jaialdia:

 *Abenduak 10, larunbata, 10:30, Hernani-Galarreta

1. Erremontea, nagusiak: Zumaia (Arizaga-Segurola)  27   / ILUNPE 1 (Iturzaeta-Otaegi)  40

Zumaia (Arizaga-Segurola) zuzenean sailkatu zen finalera, ligaxkako partida guztiak irabazi zituelako eta besteek baino aldeko tanto kopuru hobea zuelako. Ilunpe 1 taldeak (Iturzaeta-Otaegi), aldiz, finalerdietan lehiatu behar izan zuen beste tokiaren bila; Ilunpe 2 taldeari (Aizpuru-Bengoetxea) irabazi zion (2011-12-03), 40-28ko emaitzarekin.

Txapelketak utzitako emaitza guztiak, sailkapenak eta gainontzeko informazioa nahi izanez gero, webgune honetako Lehiaketa eta Kartelera ataletara jo dezakezue. Bestetik, Argazki galeriak atalean finaleko hainbat irudi daude ikusgai.