Eskuz banakako eta paleta argentinarreko finalak jokatuko dituzte, asteburuan, Trinketeko Kluben Arteko Gipuzkoako Txapelketan. Irungo Ramuntxo Berri trinketak hartuko ditu paleta argentinarrekoak, larunbat goizean; eta Irurako Ametsa trinketan izango dira ikusgai eskuz banakakoak: larunbat arratsaldean nagusi kategoriakoak (1. eta 2. maila) eta igande goizean kadeteena eta jubenilena. Ondorengo lerroetan dituzue hiru jaialdien xehetasunak:

Martxoak 8, larunbata, 11:00, Irun-Ramuntxo Berri
 

1. Paleta argentinarra gizonezkoak, nagusiak 2. maila:
KURPIL KIROLAK 1 (Joseba Agerralde Arruabarrena-Garikoitz Pagola Urtizberea)
RAMUNTXO 1 (Unai Alberro Peralta-Juan Zaldua Saenz de Buruaga)

2. Paleta argentinarra gizonezkoak, nagusiak 1. maila:
KURPIL KIROLAK 2 (Miguel Almandoz Iribarren-Unai Sagarzazu Saldias)
RAMUNTXO 1 (Aritz Larrarte Revilla-Ander Mutuberria Lopetegi)

Martxoak 8, larunbata, 16:30, Irura-Ametsa
 

1. Eskuz banaka, nagusiak 2. maila:
EPLE-Eneko Sorondo Paredero
HERNANI-Jon Jara Aldabe

2. Eskuz banaka, nagusiak 1. maila:
EPLE-Ibon Taberna Karrera
MUNDARRO-Oier Gurutzealde Arka
 

Martxoak 9, igandea, 11:00, Irura-Ametsa
 

1. Eskuz banaka, kadeteak:
BEHAR ZANA-Imanol Zufiria Mayoz
BEHAR ZANA-Xuban Illarramendi Albizu

2. Eskuz banaka, jubenilak:
BEHAR ZANA-Adur Otaegi Lakarra
BEHAR ZANA-Inhar Iparragirre Aburuza

Bestetik, jardunaldi honetan, nagusien kategoriako xareko lehia hasiko da.

Hiru taldek eman du izena: Ametsa 1, Ametsa 2 eta Ametsa 3.

Ligaxka jokatuko dute lehenik, apirilaren 6ko asteburura bitarte.

Eta lehen eta bigarren sailkatuek finala jokatuko dute, apirilaren 13ko jardunaldian.

Webgune honetako Lehiaketa-Federatua-G-Trinketa-Eskuz banaka, Lehiaketa-Federatua-G-Trinketa-P.argent. eta Lehiaketa-Federatua-G-Trinketa-Xare ataletan kontsulta daiteke espezialitate hauei buruzko informazio guztia.