Mundarro (Astigarraga) eta Beotibar (Tolosa) klubetako pilotariek jokatu dituzte, asteburuan, gomazko paletako banakako lehendabiziko finalak, buruz buru zazpiaren barruan, Ezker Hormako Kluben Arteko Gipuzkoako Txapelketan. Eta bientzat izan dira txapelak: nagusien 1. mailako finalean Mundarroko Urdangarinek eraman zuen etxera, Beotibarko Arregiri irabazita; eta nagusien 2. mailako lehian, berriz, Beotibarko Zubiriak jantzi zuen txapela, Mundarroko Luluagaren aurka:

Otsailak 22, larunbata, 17:30, Astigarraga-Txomiñene

1. Gomazko paleta banaka 7aren barruan, nagusiak 2. maila:
MUNDARRO-Axier Luluaga Erroizenea 15
BEOTIBAR-Xabier Zubiria Agirretxe 25

2. Gomazko paleta banaka 7aren barruan, nagusiak 1. maila:
MUNDARRO-Ganix Urdangarin Galarza 25
BEOTIBAR-Odei Arregi Aizpitarte 17
 

Datozen jardunaldietan jarraipena izango du gomazko paletako buruz buruko lehiak, baina kasu honetan kantxa osoan ariko dira pilotariak. 

Hain zuzen ere, hurrengo jardunaldian, martxoaren 2koan, ekingo diote lehiari, nagusien 1. eta 2. mailan.

9 palista lehiatuko dira 1. mailan (2 multzotan banatuta), eta 19 2. mailan (5 multzotan).

Itzuli bateko ligaxka jokatuko dute guztiek, martxoaren erdialdera bitarte 2. mailan eta bukaerara arte 1. mailan.

Bi finalak apirilaren 13ko jardunaldian izango dira ikusgai, oraindik zehazteko dagoen egoitzan.

Webgune honetako Lehiaketa-Federatua-G-GP banaka 7 eta Lehiaketa-Federatua-G-GP banaka ataletan kontsulta daiteke bi lehia hauen inguruko informazio guztia.