Alebin kategoriako palistek beste topaketa batean elkartzeko aukera izango dute, asteburuan: Zumaiako Aitzuri pilotalekuan izango dute hitzordua oraingo honetan, larunbat arratsaldean (2025-02-22).

Azpeitiko, Errenteriako, Oiartzungo, Olaberriako, Orioko eta Zumaiako palistak elkartuko dira; 30 bat, denera.

16:00etan hasiko da saioa: 17:15 bitarte, molle-pelle handiarekin ariko dira Errenteriako, Oiartzungo, Orioko eta Zumaiako palistak. Eta ondoren, 18:30ak arte, molle-pelle txikiarekin Azpeitikoak, Olaberriakoak eta Zumaiakoak.

Federazioak eramango ditu pilotak, baina pilotari bakoitzak bere pala eraman beharko du. Gainera, molle-pelle txikiarekin betaurreko babesgarriak ezinbestekoak izango dira. 

Zuriz jantzita joan beharrik ez dago.

Ondo pasa!