Jardunaldi honetan (2024-10-27) hasiko dira paletako Errendimenduko Gipuzkoako Txapelketak; bi izango dira, zehazki: ikus pilotarekin bat, eta molle-pelle pilotarekin bestea. Infantil kategoriako palistak lehiatuko dira bietan, binaka.

Ondorengo lerroetan laburbilduko ditugu bataren zein bestearen xehetasunak:

ERRENDIMENDUKO GIPUZKOAKO TXAPELKETA, PALETA IKUS

Infantil kategoriako palistek jokatuko dute, binaka, ikus pilotarekin.

3 taldek eman du izena: Hernani, Ilunpe (Azpeitia) eta Oiangu (Ordizia).

Joan-etorriko ligaxkarekin ekingo diote txapelketari, asteburuan, abenduaren 15eko jardunaldira bitarte.

Lehen bi sailkatuek jokatuko dute finala, abenduaren 22ko asteburuan.
 

ERRENDIMENDUKO GIPUZKOAKO TXAPELKETA, PALETA MOLLE-PELLE

Infantil kategoriako palistek jokatuko dute, binaka, molle-pelle pilotarekin.

8 taldek eman du izena, eta bi multzotan ariko dira: Altzatarra (Donostia), Behar Zana 2 (Amasa-Villabona), Intxurre 1 (Alegia), Txost 2 (Oiartzun) eta Txost 3 (Oiartzun) A multzoan; eta Eple (Errenteria), Behar Zana 1 (Amasa-Vilabona), Intxurre 2 (Alegia), Intxurre 3 (Alegia) eta Txost 1 (Oiartzun) B multzoan.

Itzuli bateko ligaxkarekin ekingo diote txapelketari, asteburu honetan, azaroaren 30eko jardunaldira arte. 

Partidak larunbat arratsaldetan jokatuko dituzte, hainbat egoitzatan:

• Urriak 26, Donostia-Altza
• Azaroak 9, Errenteria
• Azaroak 16, Villabona
• Azaroak 23, Alegia
• Azaroak 30, Oiartzun
   

Multzo bakoitzeko 1. eta 2. sailkatuek finalerdiak jokatuko dituzte, abenduaren 15eko asteburuan.

Eta finala abenduaren 22ko jardunaldian izango da ikusgai.

Bi txapelketa hauen inguruko informazio gehiago ikusgai, Lehiaketa-Errendimendua-Gipuzkoa-Paleta-Ikus-Infantilak eta Lehiaketa-Errendimendua-Gipuzkoa-Paleta-Molle pelle-Infantilak ataletan.