Txapelketa gehiago izango dira jokoan, asteburutik aurrera, Ezker Hormako Kluben Arteko Gipuzkoako Txapelketan. Hain zuzen ere, hiru lehia hasiko dira: palakoa, zesta-puntako banakakoa eta emakumeen gomazko paletako banakakoa (bost t'erdiaren barruan). Gainera, hurrengo jardunaldian, maiatzaren 19koan, emakumeen eskuz banakako (lau t'erdiaren barruan) txapelketari ekingo diote.

Ondorengo lerroetan bildu ditugu bakoitzaren xehetasunak:

PALA
 

• Hasiera, maiatzaren 12ko asteburuan
• Nagusietan, binaka
• 5 taldek eman du izena
• Itzuli bateko ligaxka, ekainaren 9ko jardunaldira bitartean
• Partidak egoitzan, Andoaingo Arrate pilotalekuan, printzipioz igande goizetan
• Multzo bakoitzeko 1. eta 2. sailkatuek jokatuko dute azken fasea
• Finalerdiak, ekainaren 16ko jardunaldian
• Finala, ekainaren 23ko asteburuan

ZESTA-PUNTA BANAKA
 

• Hasiera, maiatzaren 12ko jardunaldian
• Kadeteak, jubenilak eta nagusiak (maila bakarra denetan), banaka
• 9 puntista lehiatuko dira kadetetan, 14 jubeniletan eta 17 nagusietan
• Itzuli bateko ligaxka jokatuko dute lehenik, maiatzaren 12ko jardunalditik ekainaren 9kora bitartean
• Multzo bakoitzeko 1. eta 2. sailkatuek egingo dute aurrera, kanporaketen fasera
• Finalerdiak, ekainaren 23ko asteburuan
• Finalak, ekainaren 30eko jardunaldian

GOMAZKO PALETA BANAKA EMAKUMEAK (5 1/2AN)
 

• Hasiera, maiatzaren 12ko asteburuan
• Jubenilak (maila bakarra) eta nagusiak (1. eta 2. maila), buruz buru
• 9 pilotari lehiatuko dira jubenilen kategorian eta 12 nagusietan (4 1. mailan eta 8 2. mailan)
• Itzuli bateko ligaxka jokatuko dute, ekainaren 2ko jardunaldira bitartean nagusietan eta ekainaren 9kora arte jubeniletan
• 1. sailkatuak zuzenean finalera, eta 2. eta 3. sailkatuek finalerdiak jokatu beharko dituzte
• Finalerdiak, ekainaren 16ko jardunaldian
• Finalak, ekainaren 23ko asteburuan

ESKUZ BANAKA EMAKUMEAK (4 1/2AN)
 

• Hasiera, maiatzaren 19ko jardunaldian
• Jubenilak eta nagusiak (bietan maila bakarra), eskuz banaka
• 4 pilotarik eman du izena jubeniletan,eta 8k nagusietan
• Itzuli bateko ligaxkarekin ekingo diote txapelketari, eta ekainaren 2ko asteburura arte luzatuko da
• Multzo bakoitzeko 1. eta 2. sailkatuek -eta baita 3.ek ere jubenilen kasuan- jarraituko dute hurrengo fasera
• Finalerdiak ekainaren 16ko asteburuan aurreikusten dira
• Finalak, ekainaren 23ko jardunaldian

Atal hauetan kontsulta daiteke txapelketa hauei buruzko informazio guztia: Lehiaketa-Federatua-Gipuzkoa-Pala-Nagusiak, Lehiaketa-Federatua-Gipuzkoa-Zestapunta-Banaka, Lehiaketa-Federatua-Gipuzkoa-Gomazko paleta banaka neskak bost t'erdian eta Lehiaketa-Federatua-Gipuzkoa-Eskuz banaka lau t'erdian.