Lehia guztiak martxan izango dira, asteburuan, Gipuzkoako Herriarteko Txapelketan, dagoeneko hasita dauden eskuzko eta gomazko paletako txapelketei palakoa eta zesta-puntakoa gehituko baitzaizkie.

Eskuz, final-hamaseirenen itzulerako jaialdiak jokatuko dituzte Oñatik eta Amezketak, Bergarak eta Amasa-Villabonak, Idiazabalek eta Zaldibiak, Hernanik eta Astigarragak, Azkoitiak eta Adunak eta Tolosak eta Beasainek. Joanekoan 1-2 irabazi zuen Amezketak, 0-3 Bergarak, 3-0 Zaldibiak, 0-3 Hernanik, 1-2 Azkoitiak eta 2-1 Beasainek.

Gomazko paletaz ere final-hamaseirenen itzulerakoak jokatuko dituzte, Aiak eta Debak alde batetik eta Tolosak eta Zumaiak bestetik. 1-2 aurreratu zen Aia joaneko jaialdian, eta emaitza berarekin baita Tolosa ere.

Larruzko paletaz eta pala motzaz, final-laurdenen joaneko jaialdiekin ekingo diote txapelketari. Andoain eta Oiartzun lehiatuko dira batetik eta Errenteria eta Deba bestetik.

Zesta-puntaz, azkenik, ligaxkako 1. jardunaldia jokatuko dute Hondarribiak eta Mutrikuk, eta atseden egingo du Zumaiak.

Albiste honi erantsitako dokumentuetan ikus daitezke egutegi guztiak.

Hauxe da, hain zuzen ere, asteburuko kartelera:

MAIATZAK 10, OSTIRALA

- 18:30, Oñati-Zubikoa: AMEZKETA vs OÑATI (eskua, final-hamaseirenak, itzulerakoa)

- 19:00, Bergara-Udalekoa: BERGARA vs AMASA-VILLABONA (eskua, final-hamaseirenak, itzulerakoa)

- 19:00, Hondarribia-Jostaldi: HONDARRIBIA vs MUTRIKU (zesta-punta, ligaxka, 1. jardunaldia)

- 19:00, Idiazabal-Igarondo: IDIAZABAL vs ZALDIBIA (eskua, final-hamaseirenak, itzulerakoa)

- 19:30, Hernani-Udalekoa: HERNANI vs ASTIGARRAGA (eskua, final-hamaseirenak, itzulerakoa)

- 19:30, Errenteria-Agustina Otaola: ERRENTERIA vs DEBA (larruzko paleta eta pala motza, final-laurdenak, joanekoa)

- 22:00, Azkoitia-Gurea: AZKOITIA vs ADUNA (eskua, final-hamaseirenak, itzulerakoa)

MAIATZAK 11, LARUNBATA
 

- 10:00, Tolosa-Beotibar: TOLOSA vs BEASAIN (eskua, final-hamaseirenak, itzulerakoa)

- 17:00, Aia-Udalekoa: AIA vs DEBA (gomazko paleta, final-hamaseirenak, itzulerakoa)

- 18:30, Andoain-Arrate: ANDOAIN vs OIARTZUN (larruzko paleta eta pala motza, final-laurdenak, joanekoa)

- 19:30, Tolosa-Beotibar: TOLOSA vs ZUMAIA (gomazko paleta, final-hamaseirenak, itzulerakoa)

18 herrik eman du izena aurten eskuzko lehian, 6 ariko dira larruzko paletaz eta pala motzez, 14 gomazko paletaz eta 3 zesta-puntaz. Denera, 41 herri eta 443 pilotari elkartuko ditu txapelketak (234 eskuz, 52 palaz, 115 gomazko paletaz eta 42 zesta-puntaz): 

ESKUA

1. Aduna
2. Altzo
3. Amasa-Villabona
4. Amezketa
5. Andoain
6. Astigarraga
7. Ataun
8. Azkoitia
9. Azpeitia
10. Besain
11. Bergara
12. Hernani
13. Idiazabal
14. Oiartzun
15. Oñati
16. Tolosa
17. Zaldibia
18. Zestoa

LARRUZKO PALETA ETA PALA MOTZA

1. Andoain
2. Deba
3. Donostia
4. Errenteria
5. Oiartzun
6. Ordizia

GOMAZKO PALETA

1. Aia
2. Andoain
3. Astigarraga
4. Deba
5. Donostia
6. Errenteria
7. Hernani
8. Mutriku
9. Oiartzun
10. Tolosa
11. Zarautz
12. Zestoa
13. Zumaia
14. Zumarraga

ZESTA-PUNTA

1. Hondarribia
2. Mutriku
3. Zumaia

Eskuz, herri bat gehiago lehiatuko da aurtengo edizioan, 18: ez dira izango Larraul eta Zumarraga; baina Amasa-Villabona, Astigarraga eta Beasain batu dira zerrendara. 

Palako lehian, 6 herri izango dira, aurrekoan baino bat gutxiago: Azpeitia da baja; eta ez dago talde berririk.

Gomazko paletaz, iazko kopuru bera izango da, 14, baina bada aldaketarik parte-hartzaileei dagokionean: aurten ez dute jokatuko Anoetak eta Azkoitiak; eta bai, ordea, Aiak eta Errenteriak.

Eta, azkenik, zesta-puntaz 3 herri lehiatuko dira, aurreko edizioko berberak.

Lehendabiziko finala larruzko paletako eta pala motzeko txapelketarena izango da, ekainaren 9ko asteburuan. Ondoren etorriko da zesta-puntakoa, ekainaren 23ko jardunaldian. Eta ekainaren 30ekoan izango dira, azkenik, eskuzkoa eta gomazko paletakoa: eskuzkoa larunbatean, ekainak 29, Donostiako Atano III.ean; eta gomazko paletakoa oraindik zehazteko dagoen egun eta egoitzan.

Eskuzko txapelketaren 56. edizioa izango da aurtengoa, 33.a larruzko paletaz eta pala motzez, 26.a zesta-puntaz eta 6.a gomazko paletaz.

Azkoitiak jantzi ditu txapel gehien eskuzko txapelketan, 16, hain zuzen ere (beste 6 aldiz izan da txapeldunorde); Azpeitia da bigarren palmaresean, 8 txapelekin (6 bider azpitxapeldun); eta Donostia hirugarren, 6rekin (4tan txapeldunorde). Azken edizioa Oiartzunek irabazi zuen, eta Azpeitia izan zen txapeldunorde.

Palaz, Donostiak ditu txapel gehien, 8 (6 aldiz izan da txapeldunorde); Andoain da bigarren palmaresean, 7 txapelekin (txapeldunorde 6 bider); eta Errenteria eta Olaberria ondoren, 6na txapelekin (5 aldiz izan dira txapeldunorde errenteriarrak, eta 2tan olaberriatarrak). Donostiak irabazi zuen aurreko edizioa, eta Errenteria izan zen txapeldunorde.

Zesta-puntaz Zumaia da jaun eta jabe, 10 txapelekin (11 aldiz txapeldunorde); Mutriku du atzetik, 8 txapelekin (4 bider azpitxapeldun); eta Tolosa da hirugarren postuan, 4 txapelekin (6tan txapeldunorde). Azken edizioa Mutrikuk irabazi zuen, eta Hondarribia sailkatu zen bigarren.

Gomazko paletaz, azkenik, Azkoitia da lider sailkapenean, 3 txapelekin (ez da sekula txapeldunorde izan). Eta atzetik dira Donostia eta Astigarraga, txapel banarekin (2tan izan da txapeldunorde Donostia, eta behin ere ez Astigarraga). Ondoren ageri dira Azpeitia, Tolosa eta Mutriku; ez dute txapelik, baina hirurak izan dira behin azpitxapeldun. 2023ko edizioan Astigarragak jantzi zuen txapela, eta Mutriku izan zen txapeldunorde.

Rural Kutxa eta Aramendia pasteleria dira 2024ko Gipuzkoako Herriarteko Txapelketaren babesleak.

Webgune honetako Lehiaketa-Federatua-Herriartekoa atalean eskuragarri dago txapelketaren inguruko informazio guztia. 

*Argazkiak: Amasa-Villabona eta Aduna.