Miren Goikoetxea-Amaia Irazustabarrena bikotearen Hernani 3 taldeak irabazi du emakumeen paleta argentinarreko finala Trinketeko Kluben Arteko Gipuzkoako Txapelketan. Bere klubeko Izaskun Arrosagarai-Ane Kerejeta bikoaren Hernani 2 taldeari nagusitu zaio, 30-26ko emaitzarekin:

Maiatzak 5, igandea, 11:00, Irura-Ametsa
 

1. Paleta argentinarra emakumeak, nagusiak:
HERNANI 3 (Miren Goikoetxea-Amaia Irazustabarrena) 30
HERNANI 2 (Izaskun Arrosagarai-Ane Kerejeta) 26

Webgune honetako Lehiaketa-Federatua-Gipuzkoa Trinketa-Paleta argentinarra-Neska nagusiak txokoan kontsulta daiteke txapelketaren informazio guztia.

Bestetik, lehia berria hasiko da datorren jardunaldian Trinketeko Gipuzkoako Txapelketan: larruzko paletakoa, hain zuzen ere.

8 bikotek eman du izena, eta bi multzotan ariko dira: Altzatarra 2, Errepala 1, Oiangu 1 eta Oiangu 2 A multzoan; eta Altzatarra 1, Eple, Errepala 2 eta Oiangu 3 B multzoan.

Itzuli bateko ligaxka jokatuko dute guztiek lehenik, maiatzaren 11ko asteburuan hasi eta 25ekora bitartean. Partidak larunbatetan izango dira. Eta multzo bakoitzeko lehen bi sailkatuek egingo dute aurrera.

Ekainaren 1ean jokatuko dituzte finalerdiak. Eta finala ekainaren 15ean izango da ikusgai.

Lehiaketa-Federatua-Gipuzkoa-Trinketa-Larruzko paleta-Nagusiak txokoan kontsulta daiteke lehiaren inguruko informazio guztia.