Eskola Kiroleko ekintzen baitan, benjamin eta alebin kategorietako pilotariei zuzendutako beste paleta topaketa bat antolatu dugu, igande goizean, Errenterian.

Azpeitiko, Olaberriako eta Zumaiako 17 palista gaztek hartuko dute parte, eta bi taldetan ariko dira. 10:00etatik 11:30era Azpeitiko eta Zumaiako gaztetxoak elkartuko dira Fanderia pilotalekuan, eta 11:30etik 13:00era Olaberriakoak eta Zumaiakoak.

Jolasak, dinamikak, partidatxoak... egingo dituzte pilotariek, besteak beste, Oier Alkorta palistaren gidaritzapean.

Bakoitzak bere pala eraman beharko du, baina gainontzeko materiala eta baliabideak federazioak jarriko ditu.

Eta ez da zuriz jantzita joan beharrik izango.

Giro polita sortu da aurreko topaketetan, eta trebatzeko, ondo pasatzeko, jende berria ezagutzeko eta euskal pilotaz disfrutatzeko aukera izan dute palista gazteek. Igandean ere halaxe izatea nahiko genuke!