Ezker Hormako Kluben Arteko Gipuzkoako Txapelketan, gomazko paletako banakako finalak izango dira berriz ere ikusgai, asteburuan. Kasu honetan, kantxa osoan lehiatu dira palistak (aurretik zazpiaren barruan jokatu zuten), nagusien 1. eta 2. mailan, eta igandean jokatuko dituzte finalak, Zarauzko Aritzbatalde pilotalekuan:

Apirilak 21, igandea, 10:30, Zarautz-Aritzbatalde

1. Gomazko paleta banaka kantxa osoan, nagusiak 2. maila:
BEOTIBAR-Mikel Goitia
OSPELE-Iker Lizaso

2. Gomazko paleta banaka katxa osoan, nagusiak 1. maila:
BEOTIBAR-Odei Arregi
GAZTELEKU-Julen Loidi

1. mailan, Jon Arriaga (Danok Bat) eta Iker Epelde (Azkoitia) gelditu dira finalaren atarian: Arriagak (Danok Bat) 19-25 galdu zuen Arregiren (Beotibar) kontrako finalerdia, eta Epeldek (Azkoitia) 14-25 Loidiren (Gazteleku) aurkako norgehiagoka.

2. mailan, Jon Tapizek (Beotibar) eta Ander Condek (Lagunak) ezin izan dute finalerako txartela lortu, finalerdietan galduta: Tapiz (Beotibar) 18-25 bere klubeko Goitiaren (Beotibar) kontra, eta Conde (Lagunak) 25-20 Lizasoren (Ospele) aurka.

Lehiaketa-Federatua-Gipuzkoa-Gomazko paleta banaka atalean daude ikusgai txapelketa honen inguruko xehetasun guztiak.