Asteburuan (2024-04-13) hasiko da 2024ko Eskuzko Berezkoen Gipuzkoako Txapelketa. 2. urteko alebinak eta infantilak lehiatzen dira hitzordu honetan, buruz buru. 

Denboraldi hasieran jokatutako eskuz banakako Errendimenduko Gipuzkoako Txapelketaren sailkapenari erreparatzeaz gain, hautaketa probetara ere deituak izan dira pilotariak, parte-hartzea finkatzeko. Martxoaren 24an, igandea, egin zituzten hautaketa proba horiek, Tolosako Beotibarren. Eta han nabarmendutakoekin osatu da, hortaz, lehiatuko diren pilotarien behin betiko zerrenda.

2. urteko alebin kategoriako 12 pilotarik jokatuko dute txapelketa, eta 11 infantil (kategoria bakoitzean bi multzo osatu ditugu). Hauexek dira, hain zuzen ere, 2024ko Eskuzko Berezkoen Gipuzkoako Txapelketa jokatuko duten pilotariak:

2. URTEKO ALEBINAK

A MULTZOA
 

1. Amets Agirre (Bergara)
2. Aitor Arteaga (Zazpi Itturri)
3. Xuban Artola (Behar Zana)
4. Ibai Artola (Lapke)
5. Paul Egiguren (Ilunpe)
6. Julen Sagastibeltza (Ospele)
   
    

B MULTZOA
 

1. Xanet Aranburu (Lapke)
2. Hodei Barriola (Txulobi)
3. Adei Lizarralde (Ilunpe)
4. Galder Muxika (Behar Zana)
5. Inar Olano (Bergara)
6. Josu Zubeltzu (Tolosa)

INFANTILAK

A MULTZOA
 

1. Iker Ansola (Ilunpe)
2. Oier Arsuaga (Hernani)
3. Aratz Garmendia (Goierri)
4. Jurgi Landa (Lapke)
5. Lier Zugasti (Hernani)
   
    

B MULTZOA
 

1. Oihan Etxepare (Oiarpe)
2. Xuban Illarramendi (Behar Zana)
3. Suhar Mantzisidor (Lapke)
4. Imanol Ormazabal (Hernani)
5. Julen Urrestilla (Ilunpe)
6. Imanol Zufiria (Behar Zana)

Itzuli bateko ligaxkarekin ekingo diote txapelketari, asteburuan, eta maiatzaren 11ko jardunaldira bitarte luzatuko da. Multzo bakoitzeko 1. eta 2. sailkatuek egingo dute gero aurrera, azken fasera.

Partida guztiak larunbat arratsaldetan jokatuko dituzte, egoitzetan. Amezketak (A multzoa) eta Tolosak (B multzoa) hartuko dituzte 2. urteko alebinen partidak (hori bai, aldaketa izan da Tolosako 1. jardunaldian, Instalazio arazoagatik, eta partidak Tolosan izan beharrean Lizartzan jokatuko dituzte). Eta Urretxu izango da infantilen partiden egoitza (bi multzoentzat).

Azken faseari dagokionean, maiatzaren 18an jokatuko dituzte finalerdiak. Eta finalak ekainaren 8an, oraindik zehazteko dagoen egoitzan.

Webgune honetako Kartelera atalean kontsulta daiteke astez asteko partiden zerrenda, eta Lehiaketa-Errendimendua-Gipuzkoa-Berezkoak-Eskuz banaka txokoan dago eskuragarri txapelketaren informazio guztia.