Intxurre, Euskal Jolas, Mundarro, Iruleak eta Ilunpe klubentzat garaipenak Udaberri Sarian

2024/03/12 | Lehiaketa

Gomazko paletako finalak irabazi dituzte Intxurreko pilotariek (jubeniletan), Euskal Jolasekoek (nagusien 2. mailan), Mundarrokoek (nagusien 1. mailan) eta Iruleakekoek (emakumeak); eta larruzko paletakoan nagusitu dira Ilunpekoak

Intxurre (Alegia), Euskal Jolas (Deba), Mundarro (Astigarraga), Iruleak (Deba) eta Ilunpe (Azpeitia) klubetako pilotariek lortu dituzte lehendabiziko garaipenak Udaberri Sarian. Gomazko paletako eta larruzko paletako lehiak izan dira ikusgai, asteburuan, Astigarragan eta Deban. Eta, hain zuzen ere, gomazko paletako finalak irabazi dituzte Intxurreko (jubeniletan), Euskal Jolaseko (nagusien 2. mailan), Mundarroko (nagusien 1. mailan) eta Iruleakeko (emakumeetan) pilotariek; eta larruzko paletako lehian nagusitu dira Ilunpekoak. Ondorengo lerroetan jaso ditugu emaitza guztiak, pilotari txapeldunak eta txapeldunordeak:

 

 

Martxoak 9, larunbata, 10:00, Astigarraga-Udalekoa


1. Gomazko paleta, jubenilak:
INTXURRE (Ibai Goitia-Lander Isasti) 25
TXOST 1 (Ian Davis-Ibai Martin) 19

2. Gomazko paleta, nagusiak 2. maila:
MUNDARRO (Asier Larramendi-Argoitz Otaño) 11
EUSKAL JOLAS (Aitor Barinagarrementeria-Xabier Berasaluze) 25

3. Gomazko paleta, nagusiak 1. maila:
LOIOLATARRA 2 (Oscar Barbulo-Xabier Huegun) 24
MUNDARRO (Alain Agirre-Beñat Zubiarrain) 25

 

Martxoak 10, igandea, 11:00, Deba-Aldats


1. Gomazko paleta emakumeak, nagusiak:
IRULEAK (Amaia Aizpuru-Maialen Rosa) 30
HERNANI (Maddi Iriondo-Joana Tolaretxipi) 27

2. Larruzko paleta, nagusiak:
ILUNPE (Eneko Martija-Mikel Sanchez) 35
EUSKAL JOLAS (Iñaki Badiola-Manex Prieto) 20

 

 

Eskuz binakako lehia ere bukatzear da; martxoaren 24ko jardunaldian jokatuko dituzte finalak.

 

 

Webgune honetako Lehiaketa-Federatua-Udaberri atalean kontsulta daiteke txapelketari buruzko informazio guztia.

 

 

*Argazkiak: Iruleak.

 

 

 






Babesleak

Ir arriba