Gizonezkoen paleta argentinarreko eta eskuz banakako finalak jokatu dituzte, asteburuan, Trinketeko Kluben Arteko Gipuzkoako Txapelketan; eta Ramuntxo (Irun), Behar Zana (Amasa-Villabona), Eple (Errenteria) eta Mundarro (Astigarraga) klubek eraman dituzte txapelak etxera. Ramuntxoko pilotariek gizonezkoen paleta argentinarreko finalak irabazi dituzte (bai 1. mailakoa bai 2. mailakoa), Behar Zanako pilotariek eskuz banakako kadeteen norgehiagoka eta eskuz banakako nagusien 2. mailakoa, Eplekoa eskuz banakako jubenilen lehian nagusitu da, eta Mundarrokoa eskuz banakako nagusien 1. mailakoan. Ondorengo lerroetan jaso ditugu finalen hiru jaialdiek utzitakoak:

Martxoak 9, larunbata, 10:00, Irun-Ramuntxo Berri
 

1. Paleta argentinarra gizonezkoak, nagusiak 2. maila:
RAMUNTXO 1 (Dani Loza-Asier Santesteban) 30
RAMUNTXO 2 (Jesus Mari Portilla-Nestor Vila) 18

2. Paleta argentinarra gizonezkoak, nagusiak 1. maila:
RAMUNTXO 1 (Ander Monserrat-Gorka Pablos) 30
KURPIL KIROLAK 2 (Miguel Almandoz-Unai Sagarzazu) 22

Martxoak 9, larunbata, 11:00, Irura-Ametsa

1. Eskuz banaka, nagusiak 1. maila:
MUNDARRO-Xabier Barandiaran 40
MUNDARRO-Oier Gurutzealde 33

2. Eskuz banaka, nagusiak 2. maila:
BEHAR ZANA-Arkaitz Esnaola 40
HERNANI-Unax Manterola 25
 

Martxoak 10, igandea, 11:00, Irura-Ametsa
 

1. Eskuz banaka, kadeteak:
BEHAR ZANA-Adur Otaegi 30
HERNANI-Ekhi Oses 29

2. Eskuz banaka, jubenilak:
BEHAR ZANA-Inhar Iparragirre 2 
EPLE-Eneko Lizarazu 35

Bestetik, xareko finala atzeratu egin da eta, printzipioz, martxoaren 22an jokatuko dute Ametsa 2 eta Ametsa 1 taldeek, Iruran.

Webgune honetako Lehiaketa-Federatua-Gipuzkoa Trinketa-Eskuz banaka eta Lehiaketa-Federatua-Gipuzkoa Trinketa-Paleta argentinarra ataletan kontsulta daiteke espezialitate hauei buruzko informazio guztia.