Zarautz, Danok Bat, Hondarribia eta Zumaia klubak ere badira Gipuzkoako txapeldunak. Ezker Hormako Kluben Arteko Gipuzkoako Txapelketako hainbat final izan dira ikusgai asteburuan, eta klub horietako pilotariek jantzi dituzte txapelak. Zehazki, Zarauzko palistek gomazko paletako nagusien 2. mailako finala irabazi dute; Danok Bat klubekoek gomazko paletako nagusien 1. mailako finala eta zesta-puntako kadete eta jubenil kategorietakoak; Hondarribikoek zesta-puntako nagusien 2. mailako txapelak jantzi dituzte; eta Zumaiakoek zesta-puntako nagusien 1. mailakoak.

Hemen dituzue finaletako bi jaialdien xehetasunak:

Abenduak 1, ostirala, 18:30, Zarautz-Aritzbatalde

Abenduak 2, larunbata, 16:30, Hondaribia-Jostaldi

1. Zesta-punta, kadeteak:
DANOK BAT 2 (Alain Agirregomezkorta-Izei Garcia) 30
ZUMAIA 1 (Mikel Silveti-Marlon Watkins) 18

2. Zesta-punta, jubenilak:
HONDARRIBIA 1 (Mattin Bereau-Iker Enparan) 27
DANOK BAT (Oinatz Agirregomezkorta-Ekhi Lete) 30

3. Zesta-punta, nagusiak 2. maila:
DANOK BAT (Aitor Andonegi-Jon Arriaga) 27
HONDARRIBIA 1 (Oier Kanpandegi-Joseba Zuloaga) 30

4. Zesta-punta, nagusiak 1. maila:
ZUMAIA 1 (Cosme Aguirre-Gonzalo Aguirre) 30
HONDARRIBIA (Antton Agueda-Aiert Goikoetxea) 16

Lehiaketa-Federatua-Gipuzkoa-Gomazko paleta binaka eta Lehiaketa-Federatua-Gipuzkoa-Zesta punta binaka ataletan dago jasota lehia hauen informazio guztia.

*Argazkiak: Mutrikuko Danok Bat kluba eta Elgoibarko Lagunak Pilota Eskola.