Oiartzunek eskuz, Donostiak larruzko paletaz eta pala motzez, Mutrikuk zesta-puntaz eta Astigarragak gomazko paletaz. Lau herri hauek irabazi dute 2023ko Gipuzkoako Herriarteko Txapelketa. Eta txapeldunorde izan dira, hurrenez hurren, Azpeitia, Errenteria, Hondarribia eta Mutriku.

Finaletako jaialdi guztiak laburbildu ditugu ondorengo lerrotan:

ESKUA. Ekainak 24, larunbata, 16:30, Donostia-Atano III.a

OIARTZUN 2 / AZPEITIA 1

1. Eskuz binaka, kadeteak:
OIARTZUN (Aitor Etxeberria-Manex Olaiz) 14
AZPEITIA (Iñigo Sarasua-Jokin Artetxe) 22

2. Eskuz binaka, jubenilak:
OIARTZUN (Oier Zabaleta-Mikel Leonet) 22
AZPEITIA (Beñat Ezama-Beñat Labaka) 17

3. Eskuz binaka, nagusiak:
OIARTZUN (Oihan Etxeberria-Unax Landa) 22
AZPEITIA (Iker Egiguren-Josu Labaka) 16
 

LARRUZKO PALETA ETA PALA MOTZA. Ekainak 10, larunbata, 18:30, Oiartzun-Madalensoro

ERRENTERIA 1 / DONOSTIA 1
 

1. Larruzko paleta:
ERRENTERIA (Ibon Eskisabel-Ruben Pichel) 35
DONOSTIA (Josetxo Amiano-Aitor Brosa) 22

2. Pala motza:
ERRENTERIA (Yorel Martinez-Abel Pichel) 10
DONOSTIA (Xabier Ibargarai-Iñigo Navarro) 40

ZESTA-PUNTA. Ekainak 23, ostirala, 19:30, Mutriku-Miruaitz

MUTRIKU 2 / HONDARRIBIA 1

1. Zesta-punta, kadeteak:
MUTRIKU (Izei Garcia-Ekhi Lete) 22
HONDARRIBIA (Mattin Bereau-Joar Laka) 30

2. Zesta-punta, jubenilak:
MUTRIKU (Oinatz Agirregomezkorta-Unax Zubizarreta) 30
HONDARRIBIA (Manex Zamora-Jon Zazpe) 20

3. Zesta-punta, nagusiak:
MUTRIKU (Mikel Manzisidor-Eñaut Urreisti) 30
HONDARRIBIA (Mikel Amboage-Julen Basterra) 11

GOMAZKO PALETA. Ekainak 25, igandea, 11:00, Azkoitia-Gurea

ASTIGARRAGA 3 / MUTRIKU 0

1. Gomazko paleta, banaka frontoi osoan:
ASTIGARRAGA (Asier Salaberria) 20
MUTRIKU (Igor Elezgarai) 15

2. Gomazko paleta, binaka:
ASTIGARRAGA (Mikel Txoperena-Beñat Zubiarrain) 20
MUTRIKU (Andoni Olano-Ion Agirrebeña) 17

3. Gomazko paleta, banaka 7aren barruan:
ASTIGARRAGA (Ganix Urdangarin) 20
MUTRIKU (Patxi Josu Zubizarreta) 7

Ondorengo pilotariek osatu dute Oiartzungo taldea 2023ko edizioan: Haitz Aranburu, Oier Bergara, Ekhi Caetano, Egoitz Etxabe, Oihan Etxeberria, Aitor Etxeberria, Aitzol Galardi, Markel Goia, Aritz Hebia, Ekhi Iradi, Unax Landa, Axel Lasa, Mikel Leonet, Ekain Mitxelena, Paul Oiartzabal, Unax Oiartzabal, Manex Olaiz, Xabat Olaiz, Ekaitz Salaberria, Andoni Ugalde, Imanol Ugalde, Iñigo Ugalde, Oier Zabaleta, Eneko Zalakain eta Unai Zelaiaran.

Hauexek izan dira Donostiako palistak: Aitor Agirre, Asier Alberro, Unai Alberro, Josetxo Amiano, Telmo Astrain, Aitor Brosa, Xabier Elejalde, Xabier Ibargarai, Joseba Lujanbio, Guillem Martinez de la Hidalga, Iñigo Navarro, Iker Udakiola eta Endika Urrutia.

Mutrikuko puntistak, ondorengoak: Alain Agirregomezkorta, Oinatz Agirregomezkorta, Aitor Andonegi, Lander Andonegi, Zuhaitz Arrillaga, Aiert Beristain, Aratz Egaña, Izei Garcia, Yon Iparragirre, Ekhi Lete, Eneritz Lizardi, Mikel Manzisidor, Jon Iñaki Mendizabal, Aiur Txurruka, Eñaut Urreisti eta Unax Zubizarreta.

Eta Astigarragako ordezkariak, hauexek: Axier Luluaga, Asier Salaberria, Mikel Txoperena, Ganix Urdangarin eta Beñat Zubiarrain.

Herriarteko Eskuzko Txapelketaren 55 edizioetatik Oiartzunek 39 alditan hartu du parte. 6 final jokatu ditu torneo honetan eta, aurtengoa irabazita, 3 aldiz jantzi du txapela: aurtengoaz gain (Azpeitiari), 2013an (Tolosaren aurka) eta iaz (Azpeitiari). Beste 3 aldiz izan da txapeldunorde: 2014an (Donostiak irabazi zuen), 2017an (Azpeitiarentzat txapela) eta 2021ean (Azpeitia txapeldun).

Donostia Herriarteko Pala Txapelketaren edizio guztietan lehiatu da, hau da, 32 aldiz, eta 14 final jokatu ditu. Aurtengo garaipenarekin, 8. txapela gehitu dio bere palmaresari: 1997an jantzi zuen lehendabizikoa (Andoain txapeldunorde), gero 1998an (Oiartzun), 2002an (Oiartzun), 2006an (Andoain), 2008an (Andoain), 2014an (Olaberria), 2015ean (Andoainen kontra) eta aurtengo edizioan (Errenteriaren aurka). 6 aldiz izan dira txapeldunorde donostiarrak: 1991n, txapelketaren lehen edizioan (Errenteriak irabazi zuen), 1993an (Errenteriak), 1994an (Errenteriak), 2000an (Ordiziak), 2001ean (Oiartzunek) eta 2012an (Olaberriak).

Mutrikuk Herriarteko Zesta-punta Txapelketaren 13 ediziotan hartu du parte, eta 12 final jokatu ditu. 2023ko edizioa irabazita, 8. txapela lortu du; besteak urte hauetan lortu zituen: 2013 (Zumaiaren kontra irabazita), 2014 (Zumaiari), 2015 (Zumaiari), 2016 (Zumaiari), 2017 (Zumaiari), 2019 (Donostiari) eta 2022 (Zumaiari). Eta beste 4 bider izan da txapeldunorde: 2011n (Zumaiak jantzi zuen txapela), 2012an (Zumaiak), 2018an (Zumaiak) eta 2021ean (Zumaiak). 

Astigarragak edizio guztietan hartu du parte, hau da, 5 aldiz, eta 2023koan iritsi da finalera. Behin iritsi eta irabazi; txapel 1 dute, beraz, astigartarrek gomazko paletako lehian.

Txapelak aipatuz, Azkoitia da nagusi Herriarteko Eskuzko Txapelketan, 16 baititu (beste 6 aldiz izan da txapeldunorde). Segidan dira Azpeitia, 8 txapelekin (6 bider azpitxapeldun); Donostia, 6rekin (4tan txapeldunorde); Hernani, 5ekin (6tan bigarren); Segura, 4rekin (4 aldiz azpitxapeldun); Oiartzun aurtengoarekin eta Arrasate, 3rekin (3 aldiz txapeldunorde Oiartzun, eta inoiz ez Arrasate); Bergara, Zumarraga eta Idiazabal, 2rekin (hurrenez hurren, 2, 2 eta 0 bider azpitxapeldun); eta Usurbil, Amezketa, Astigarraga eta Soraluze, txapel banarekin (bigarren 3, 2, 1 eta 0 aldiz, hurrenez hurren). Ondorengo herriek txapelik ez dute, baina txapeldunorde izan dira Herriartekoan: Oñati, Tolosa, Zestoa, Urretxu, Beasain, Irun, Aretxabaleta, Lasarte-Oria, Berrobi eta Ataun (Oñati 4 aldiz izan da azpitxapeldun, Tolosa 3 bider, Zestoa 2tan eta gainontzeko guztiak behin).

Palaz, Donostia da lider sailkapen orokorrean, 8 txapelekin (6 aldiz txapeldunorde). Andoain da atzetik, 7rekin (6 bider azpitxapeldun); gero Errenteria eta Olaberria, 6na txapelekin (5 aldiz izan dira txapeldunorde errenteriarrak, eta 2tan olaberriatarrak); Oiartzun, 3rekin (7 aldiz txapeldunorde); eta Ordizia eta Zarautz, txapel banarekin (2 aldiz izan da azpitxapeldun Ordizia, eta behin ere ez Zarautz). Debak eta Altzok ez dute txapelik, baina 3 final jokatu ditu Debak eta 1 Altzok.

Zumaiak jarraitzen du sailkapen buru zesta-puntako txapelei dagokienean, 10 txapelekin (11 aldiz txapeldunorde). Mutriku da atzetik, 8 txapelekin (4 bider azpitxapeldun). Gero, Tolosa, 4rekin (6 aldiz bigarren). Eta Donostia ondoren, 3 txapelekin (2tan txapeldunorde). Andoainek eta Hondarribiak ez dute txapelik, baina biak behin izan dira azpitxapeldun.

Azkenik, gomazko paletaz, Azkoitia da lehen sailkapenean, 3 txapelekin (ez da sekula txapeldunorde izan). Atzetik dira Donostia eta aurtengoa irabazteri esker Astigarraga, txapel banarekin (beste 2tan izan da txapeldunorde Donostia, eta sekula ez Astigarraga). Eta ondoren ageri dira Azpeitia, Tolosa eta aurtengo edizioarekin Mutriku: ez dute txapelik, baina hirurak behin izan dira azpitxapeldun.

17 herri lehiatu dira autengoan eskuz: Aduna, Altzo, Amezketa, Andoain, Ataun, Azkoitia, Azpeitia, Bergara, Hernani, Idiazabal, Larraul, Oiartzun, Oñati, Tolosa, Zaldibia, Zestoa eta Zumarraga.

7 herri izan dira larruzko paleta eta pala motzekoan: Andoain, Azpeitia, Deba, Donostia, Errenteria, Oiartzun eta Ordizia.

Honako 3rak zesta-puntaz: Hondarribia, Mutriku eta Zumaia. 

Eta 14 herrik jokatu dute gomazko paletaz: Andoain, Anoeta, Astigarraga, Azkoitia, Deba, Donostia, Hernani, Mutriku, Oiartzun, Tolosa, Zarautz, Zestoa, Zumaia eta Zumarraga.

Denera, 41 herri eta 417 pilotari elkartu ditu txapelketak: 210 eskuz, 62 palaz, 104 gomazko paletaz eta 41 zesta-puntaz.

Rural Kutxak babestu du 2023ko Gipuzkoako Herriarteko Txapelketa. Eta Bertako-ren laguntza ere jaso du hitzorduak.

Webgune honetako Lehiaketa-Federatua-Herriartekoa atalean kontsulta daitezke txapelketak utzitako datu guztiak. Eta Argazki galeriak txokoan hainbat irudi bilduma daude ikusgai.