Ezker Hormako Kluben Arteko Gipuzkoako Txapelketan, hainbat final izango dira ikusgai jardunaldi honetan. Alde batetik, eskuz banaka lau t'erdiko lehian, emakumeen nagusi kategoriako finala jokatuko dute, ostiralean, Bergaran. Bestetik, gomazko paletako kadeteen kategoriako finala, larunbatean, Zumaian. Eta, azkenik, palako finala, igandean, Azpeitian.

Ondorengo lerroetan zehaztu ditugu jaialdi guztiak:

Ekainak 10, ostirala, 19:15, Bergara-Udalekoa

1. Eskuz banaka lau t'erdian, emakumeak, nagusiak:
IZURUN-Mirian Arraiza
BERGARA-Maddi Barrocal

Ekainak 11, larunbata, 10:00, Zumaia-Aitzuri

1. Gomazko paleta, kadeteak:
EUSKAL JOLAS (Manex Carral-Jon Ander Caramanzana)
ZUMAIA 3 (Telmo Carballo-Aritz Garikano-Denis Agirrezabalaga)

Ekainak 12, igandea, 11:00, Azpeitia-Izarraitz

1. Pala, nagusiak: 
OIANGU (Xabier Ibarguren-Zuhaitz Letamendia)
GAZTELEKU 2 (Ibai Iradi-Aritz Rekalde)

Aurreko asteburuan, bestalde, eskuz banaka lau t'erdiko lehian, kadete kategoriako 3. mailako finalak jokatu zituzten: Aritz Alonsok (Abantzu) irabazi zuen Gipuzkoa mailako finala, Aitor Larrartek (Behar Zana) Mendebaldekoa, eta Egoitz Perezek (Eple) Ekialdekoa. Zesta-puntako banakako finalak ere izan ziren ikusgai: Xabat Altunak (Beotibar) jantzi zuen txapela kadetetan, Eñaut Urreistik (Danok Bat) jubeniletan, eta Cosme Agirrek (Zumaia) nagusietan.

Hemen dituzue laburbilduta emaitza guztiak, pilotari txapeldunak eta txapeldunordeak:

Ekainak 3, ostirala, 19:00, Errenteria-Agustina Otaola

1. Eskuz banaka lau t'erdian, kadeteak, 3. maila. Ekialdeko finala:
EPLE-Egoitz Perez 22
EPLE-Mikel Ayestaran 8

Ekainak 4, larunbata, 16:15, Zestoa-Gurutzeaga

1. Eskuz banaka lau t'erdian, kadeteak, 3. maila. Mendebaldeko finala:
SORALUZE-Eki Amuategi 16
BEHAR ZANA-Aitor Larrarte 22

2. Eskuz banaka lau t'erdian, kadeteak, 3. maila. Gipuzkoako finala:
ABANTZU-Julen Unanue 4
ABANTZU-Aritz Alonso 22

Ekainak 4, larunbata, 18:30, Hondarribia-Jostaldi

1. Zesta-punta banaka, kadeteak:
BEOTIBAR-Xabat Altuna 25
HONDARRIBIA-Manex Zamora 17

2. Zesta-punta banaka, jubenilak:
DANOK BAT-Eñaut Urreisti 25
ZUMAIA-Haritz Egaña 6

3. Zesta-punta banaka, nagusiak:
ZUMAIA-Cosme Agirre 25
HONDARRIBIA-Julen Basterra 19

Lehiaketa-Federatua-Gipuzkoa atalean kontsulta daiteke lehia hauei guztiei buruzko informazioa.