Txapelak Errepala klubarentzat izango zirela jakina zen, bere bi talde baitziren lehiatzekoak Trinketeko Kluben Arteko Gipuzkoako Txapelketako larruzko paletako finalean. Bada, Agirre-Lujanbio bikoteak, Errepala 1ek, jantzi ditu azkenean. 40-25eko emaitzarekin irabazi dio Begiristain anaien Errepala 3 taldeari:

Ekainak 5, igandea, 11:00, Donostia-Gaska

1. Larruzko paleta, nagusiak: 
ERREPALA 1 (Aitor Agirre-Joseba Lujanbio) 40
ERREPALA 3 (Jon Begiristain-Mikel Begiristain) 25

Iazko txapeldunak ere badira Aitor Agirre eta Joseba Lujanbio. Aurreko denboraldian, Real Sociedad 3 taldea ordezkatuz irabazi zuten finala, 40-35 emaitzarekin, Aitor Brosa eta Mikel Begiristain bikotearen Real Sociedad 1 taldearen aurka.

8 bikote lehiatu dira aurten larruzko paletako espezialitatean: Altzatarra 1, Altzatarra 2, Errepala 1, Errepala 2, Errepala 3, Errepala 4, Oiangu eta Txost.

Azken final hau jokatuta, bukatu da 2022ko Trinketeko Gipuzkoako Txapelketa. Lehiaketa-Federatua-Gipuzkoa Trinketa txokoan dago laburbilduta informazio guztia, eta Argazki galeriak atalean hainbat irudi bilduma dago ikusgai.