Euskal Pilota Egokituko XII. Gipuzkoako Txapelketako binakako finalak ikusteko aukera izango da, larunbatean, 10:00etatik aurrera, Zumaiako Aitzuri frontoian. Han bertan aurkeztu zuten hitzordua, atzo (2022-05-10), Gipuzkoako Kirol Egokituen Federazioak, Gipuzkoako Euskal Pilota Federazioak eta Zumaiako Udalak. Eta, batez ere, parte hartuko duten pilotariek, beraiek baitira benetako protagonistak; Oinatz Bengoetxearen babesa izan zuten, gainera, aurkezpenean izan baitzen pilotari leitzarra.

Hauxe izango da finalen jaialdia:

Maiatzak 14, larunbata, 10:00, Zumaia-Aitzuri

1. Teniseko paleta, adimen urritasuna, multzo gorria: 
Lander Ortega-Xabier Villar / Lorea Iribar-Ibai Gomez

2. Gomazko paleta, gurpil aulkia: 
German Elkoro-Asier Navaridas / Manu Quesada-Beñat Lizaso

3. Teniseko paleta, adimen urritasuna, multzo urdina: 
Joseba Altuna-Eneko Sagarmendi / Iraitz Huegun-Haritz Lertxundi

Iaz ez bezala, oraingoan finalak aurrez aurre ikusteko aukera izango da; beraz, etorri ikuskizunaz gozatzera! Zorte on denoi eta festa polita izan dadila!

*Argazkiak: Gipuzkoako Kirol Egokituen Federazioa.