Pandemiak baldintzatuta, ezin izan dugu txapelketa honetaz gozatu azkenaldian, 2019an jokatu baitzuten azkenekoz. Baina aurten bai (halaxe espero dugu, behintzat): dena dago prest 2022ko Eskuko Berezkoen Gipuzkoako Txapelketarako. 2. urteko alebinak eta infantilak lehiatzen dira hitzordu honetan, buruz buru. Eta apirilaren 23an ekingo diote aurtengo edizioari.

Denboraldi hasieran jokatutako Errendimenduko Eskuz Banakako Gipuzkoako Txapelketaren sailkapenari erreparatzeaz gain, hautaketa probetara ere deituak izan dira pilotariak, parte-hartzea finkatzeko. Martxoaren 20an, igandea, egin zituzten hautaketa probak horiek, Tolosako Beotibarren. Eta han nabarmendutakoekin osatu da, hortaz, lehiatuko diren pilotarien behin betiko zerrenda.

Hauexek dira, hain zuzen ere, 2022ko Eskuzko Berezkoen Gipuzkoako Txapelketa jokatuko duten pilotari alebinak eta infantilak:

2. URTEKO ALEBINAK
 

1. AIERBE (Gazteleku)
2. ANSOLA (Ilunpe)
3. ARSUAGA (Hernani)
4. GOROSTIDI (Zazpi Itturri)
5. IPARRAGIRRE (Behar Zana)
6. LANDA (Lapke)
7. LARRARTE (Behar Zana)
8. ORMAZABAL (Mundarro)
9. URRESTILLA (Ilunpe)
10. ZUFIRIA (Behar Zana)

INFANTILAK
 

1. ALBERDI (Ataun)
2. ARREGI (Azkoitia)
3. CAMINOS (Tolosa)
4. ELOLA (Intxurre)
5. ETXABE (Bergara)
6. ETXANIZ (Azkoitia)
7. ETXEBERRIA (Oiarpe)
8. GOROSTIDI (Zazpi Itturri)
9. PEREZ (Legazpi)
10. ZELAIARAN (Oiarpe)

Esan bezala, guztiek apirilaren 23an ekingo diote txapelketari. Eta itzuli bateko ligaxka jokatuko dute denek, maiatzaren 21eko jardunaldira bitartean. Villabonak hartuko ditu alebinen partidak, eta Ataunek infantilenak. Norgehiagokak larunbat arratsaldetan izango dira ikusgai.

Azken faseari dagokionean, ekainaren 11n jokatuko dituzte finalerdiak, eta finalak ekainaren 18an, oraindik zehazteko dagoen egoitzan.

Lehiaketa-Errendimendua-Gipuzkoa-Berezkoak (eskuz banaka) atalean dago eskuragarri txapelketaren informazio guztia.