Asteburuan (2022-04-03) itzuliko da Ezker Hormako Kluben Arteko Gipuzkoako Txapelketa. Izan ere, hainbat espezialitatetako txapelketak jarriko dira martxan jardunaldi honetan: alde batetik, eskuz banaka lau t'erdiko lehia (bai emakumezkoena bai gizonezkoena); bestetik, zesta-punta banakakoa; eta, azkenik, kadete kategoriako gomazko paletakoa.

Eskuz banaka lau t'erdiko txapelketari dagokionean, emakumezkoen lehia eta gizonezkoena hasiko dira.

8 pilotarik eman du izena emakumezkoen lehian, eta nagusietan ariko dira. Itzuli bateko ligaxka jokatuko dute guztiek, maiatzaren 29ko asteburura bitarte. Ekainaren 5eko jardunaldian finalerdiak jokatuko dituzte, eta finalak ekainaren 12koan.

Gizonezkoetan, kadeteek, jubenilek eta nagusiek hartuko dute parte. 86 pilotarik eman du izena kadetetan (29 1. mailan, 45 2. mailan eta 12 3. mailan), 57 jubeniletan (27 1. mailan eta 30 2. mailan) eta 109 nagusietan (54 1. mailan eta 55 2. mailan). Hauek ere itzuli bateko ligaxkari ekingo diote, maiatzaren 15eko jardunaldira bitarte. Ekainaren 19ko asteburuan izango dituzte finalerdiak, eta ekainaren 26koan finalak.

Kategoria eta maila bakoitzeko data zehatzak eta oro har txapelketaren informazio guztia webgune honetako Lehiaketa-Federatua-Gipuzkoa Eskuz banaka 4 t'erdian atalean dago ikusgai.

Bestalde, zesta-punta banakako lehian, hiru kategoriatan ariko dira pilotariak: kadeteak, jubenilak eta nagusiak.

17 puntistak eman du izena kadetetan, 16 jubeniletan eta 12 nagusietan.

Asteburu honetan hasita, itzuli bateko ligaxka jokatuko dute guztiek, maiatzaren 15eko jardunaldia bitarte.

Maiatzaren 29ko astebururako daude aurreikusita finalerdiak. Eta final guztiak ekainaren 5eko jardunaldian jokatuko dituzte.

Webgune honetako Lehiaketa-Federatua-Gipuzkoa-Zesta punta banaka atalean kontsulta daitezke txapelketaren inguruko xehetasunak.

Azkenik, kadete kategoriako gomazko paletako txapelketa ere hasiko da jardunaldi honetan.

8 taldek eman du izena.

Joan-etorriko ligaxka jokatu dute denek, maiatzaren 29ko asteburura bitarte.

Ekainaren 5eko asteburuan izango dira ikusgai finalerdiak, eta ekainaren 12koan finala. 

Informazio guztia, hemen.