Emakumezkoen teknifikazio proiektua ere martxan da berriro 2021-22 denboraldian. Ezker horman (gomazko paleta eta eskua) zein trinketan (paleta argentinarra) izango dira saioak aurtengoan. Hain zuzen ere, eskuzko teknifikazioa lehendabizikoz izango dute aukeran Gipuzkoako neska pilotariek. 

Emakumea Pilotari proiektuarekin batera jarri zituen martxan Gipuzkoako Euskal Pilota Federazioak (GEPF) emakumezkoen paletako teknifikazio saioak, 2014-15 denboraldian. Ikasturte horretan proba egin zen hilabetez, eta hurrengo denboraldian urritik ekainera bitarteko eskaintza izan zen. 

Hasierako urteetan, 2008-2009 denboraldira arte, hain zuzen, trinketerako teknifikazio saioak eskaintzen ziren soilik. Izan ere, ikusi zen pilotariek jokamolde horretan aritzeko arazoak zituztela. Ezohiko instalakuntza bat izateak eta bertan aritzeko beharrezko baliabiderik ez izateak espezialitate horrekiko zailtasunak sortzen baitzituen.

Denboraldi hartatik aurrera, ordea, ezker hormara ere zabaldu zen eskaintza, eta arrakasta izugarria izan zuen, gainera. Hori dela eta, hurrengo urtean aurre-teknifikazio saioak egin ziren pilotariak aukeratzeko, eta adin muga ere jarri zen (25 urte) maila baxuena zuten taldeetan. Ondorengo urteetan, aldiz, teknfikazioko izen-emateak beherako joera hartu zuen, eta aurre-teknifikaziorik ez egitea erabaki zen.

2021-22 denboraldian, hain zuzen ere, 30 bat pilotari ari dira parte hartzen teknifikazio saioetan. Asteartetan aritzen dira paletaz, ezker horman, Jon Juanesen gidaritzapean Iruran, eta Maider Mendizabalen aginduetara Urnietan. Asteazkenetan izaten dira ezker hormako eskuzko entrenamenduak, Antzuolan, Patri Espinarrekin. Eta ostegunetan dituzte trinketeko paleta argentinakoak, Irunen, Maider Mendizabalekin. Hauxe da pilotarien zerrenda:

Laster izango dira ikusgai saioen eta taldeen hainbat irudi Argazki galeriak txokoan.