Hastear da ezker hormako Gipuzkoako Elkarteen Arteko Txapelketa, palako lehiarekin

2010/09/03 | Lehiaketa

Hauxe izango da goiztiarrena, asteburu honetan hasiko baitira partidak; gainontzeko espezialitateak hilaren 19ko jardunaldian gehituko zaizkio

Joan den asteburuan abiatu zen 2010-11 denboraldia, Enrique Abril Errebote Txapelketarekin. Bada, jardunaldi honetan, beste txapelketa bat gehituko zaio: ezker hormako Gipuzkoako Elkarteen Arteko Txapelketa, hain zuzen ere.

Txapelketarik parte-hartzaileena da, espezialitate guztietan jokatzen dena. Eta pala izango da horietan goiztiarrena, harekin hasiko baita lehia asteburu honetan. Gainontzeko espezialitateak hilaren 19ko jardunaldian gehituko zaizkio.

Palako txapelketa 1. eta 2. mailan jokatuko da: Oiangu, Landare, Ikasberri, Txost 2 (A multzoa) eta Txost 1, Gazteleku, Real Sociedad, Usurbil (B multzoa) taldeak lehiatuko dira 1. mailan; eta 2. mailan, berriz, multzo bakarrean, Altzatarra, Oiangu eta Zumaia.

Hasierako ligaxka irailaren 19ra arte luzatuko da, eta finalak irailaren 26an aurreikusten dira, Andoainen. Jaialdiak Andoaingo (Arrate frontoia) eta Azpeitiko (Izarraitz pilotalekua) egoitzetan izango dira.

 

 

 










Ir arriba